Россия көне уңаеннан тәрбия буенча киңәшче иҗат остаханәсе оештырды. Укучылар "Күбәләк" беләзекләрен ясадылар һәм аларны Россия флагы төсенә буядылар.

Балалар "Җиһангирлар" паркына чәчәк утыртуга да үз өлешләрен керттеләр.

Бүген лагерьдә экскурсияләр көне булды. Мәктәп яны лагерында ял итүчеләр:
2 нче отряд - Яңа Кенәр янгын сүндерү бүлегенә,
3 нче отряд - Яңа Кенәр балалар китапханәсенә,
1 нче отряд - Яңа Кенәр мәчетенә экскурсияләргә бардылар.
Көн бик кызыклы, белемле һәм файдалы үтте.

"Дуслык" мәктәп яны лагеренә йөрүче балалар саф һавада рәхәтләнеп хәрәкәтле уеннар уйнадылар. "Җиһангирлар" паркында балалар өчен булдырылган уен зоналарында ял иттеләр.

"Дуслык" мәктәп яны лагеренда "коррупциягә каршы"мәгълүмати - агарту акциясе узды. Тәрбия буенча киңәшче отрядларда Бөтен һәм бөтен җирдә акча таләп итү гадәте өстенлек иткән ил белән ниләр булуы турында әңгәмә уздырды. Бу әңгәмәнең рефлексиясе рәсемнәр һәм плакатлар конкурсы булды

Дөньяда мультфильмнарны яратмаган кеше юк. Мультфильмнар барлык балаларга да ошый. Бүген лагерьдә ял итүче балалар "Минем яраткан мультфильм герое" дигән темага рәсемнәр ясадылар. Әлеге рәсем ясау нигезендә балаларны сәнгатькә тарту, иҗатка мәхәббәт тәрбияләү тора. Балаларның һәркайсы якты һәм мавыктыргыч булып чыккан геройларын сурәтләүгә иҗади якын килде. Ахырда балалар ни өчен нәкъ менә шушы геройны сайлаганын, аның нинди сыйфатларга ия булуын һәм ул нәрсә белән җәлеп иткәнен сөйләделәр.

8 А сыйныф укучысы Садыкова Мәрьям Нияз кызы I Бөтенроссия "Хәтер бакчасында" дип исемләнгән Бөек Җиңүнең 80 еллыгы уңаеннан оештырылган конкурс җиңүчесе.
Җитәкчесе: Биктова Р. Р. Чын күңелдән котлыйбыз.

Лагерьның икенче көне.
"Дуслык" мәктәп яны лагерының ачылу тантанасы.
Һава торышы яңгырлы булуга карамастан, лагерьдә бик күңелле.
Иртәбез зарядкадан һәм линейкадан башланды.
Линейка вакытында Россия Федерациясе һәм Татарстан Республикасы флагларын күтәрдек, гимннар җырладык. Лагерь җитәкчесе Миләүшә Руфиковна укучыларны лагерьның кагыйдәләре белән таныштырды.
Лагерьдә ял итүче балаларыбыз үзләренең вожатыйлары белән отряд стенгазетасын ясадылар
Көнебез күңелле, файдалы һәм мавыктыргыч уеннар белән үрелеп барды

Бүген, 1 июнь – Халыкара балаларны яклау көне һәм мәктәп лагерының беренче көне дә
Балаларны яклау көне уңаеннан лагерьда төрле күңелле чаралар үткәрелде. Балаларның күңелләрен күрергә панда да килде.
Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк
Шушы бәйрәм уңаеннан иң изге теләкләр юллыйбыз. Бәхетле һәм сәламәт булыгыз. Әти-әниләрегез, өлкән яшьтәге ихтирамга лаеклы кешеләр сезнең белән һәрвакыт горурлансыннар, аларның игътибарын, мәхәббәтен тоеп яшәгез. Йөзегездә һәрвакыт елмаю булсын. Сез – безнең киләчәгебез!