Бүген 5 нче сыйныфта ата-аналар җыелышы узды. Җыелышның темасы: 5 нче сыйныфта адаптация чоры.
Башлангыч сыйныфта һәр укучы укытучысының күз алдында гына. Ә югары сыйныфта алар үзаллылыкка өйрәнергә тиеш: дәрескә хәзерләнү, бүлмәдән-бүлмәгә йөрү, төрле хәлләрне чишү. Дәрескә соңга калу, өйгә эшне хәзерләмәү - башлангыч сыйныфларга караганда җитдирәк проблемага әверелә. Кайбер бала адаптация чорын тиз һәм җиңел кичерә, ә кайберләренә хәтта еллар кирәк. Бу вакытта аларның уку өлгереше дә түбәнәя.
Югары сыйныфка күчүнең дә уңай яклары бар. Төрле укытучылар укыту, төрле бүлмәләрдә белем алу аларга мавыктыргыч булып тоела. 5 нче сыйныфта, әйтерсең дә, бала өчен яңа тормыш башлана. Күп бала бу вакытта үзенең ни белән кызыксынуын ачыклый. Димәк, булачак һөнәрен дә күзаллый дигән сүз.

Бүген мәктәбебез укытучылары һәм укучылары «Татарча диктант – 2025» Бөтендөнья акциясендә катнашалар. Акциянең төп максаты – татар теленә һәм мәдәниятенә игътибарны җәлеп итү, татар телен яратучыларны берләштерүгә юнәлтелгән.
Бүгенге көндә ”Татарча диктант ” – Татарстан Республикасында, Россиядә һәм чит илләрдә яшәүче татарларны берләштерүгә ярдәм итүче акцияләрнең берсе.

ОБЗР фәненнән олимпиаданың район этабында 3 нче сыйныф укучысы Закиров Эмиль призер булды. Укытучысы: Хәбибуллина М. Р.
Аларны чын күңелдән котлыйбыз, молодцы!

Юл хәрәкәте куркынычсызлыгы атналыгы кысаларында бүген мәктәптә «Бердәм юл хәрәкәте куркынычсызлыгы көне»узды.
Башлангыч сыйныфларда юл хәрәкәте кагыйдәләре буенча рәсем конкурслары, " Мин ЮИДны сайлыйм!".
Әлеге чараларның максаты-автокатастрофа корбаннарын искә алу, аларның якыннарының кайгысын уртаклашу гына түгел, җәяүлеләргә һәм машина йөртүчеләргә, бөтен җәмгыятькә юлларда куркынычсызлыкны тәэмин итү кирәклеге турында тагын бер кат искәртү.

"С. З. Габдрахманова исемендәге Яңа Кенәр урта мәктәбе" командасы 2025-2026 еллар сезонында "КЭС-БАСКЕТ" мәктәп баскетбол лигасы Бөтенроссия Чемпионатының муниципаль этабы финалында 3 урынны яулады.Тренер: Хәйруллин Зөлфәт Таһир Улы
Котлыйбыз, алга таба җиңүләр телибез!

Бүген "Пушкин картасы" программасы нигезендә Саяра Фәттерахманова исемендәге Иске Ашыт авыл мәдәният йортының "Саяра" халык театры укучылар игътибарына Шәриф Хөсәеновның "Көтепләр дә кайтмасаң...Егерме ел үткәч" спектаклен тәкъдим иттеләр.

Фән олимпиадаларының район этабы башланып китте.Беренче уңышларыбыз да бар.
ОБЗР фәненнән 10 нчы сыйныф укучысы Мунасыпов Адель призер булды. Укытучысы: Габдрахманов В.В.
Аларны чын күңелдән котлыйбыз, молодцы!

Бүген 1нче сыйныф укучысы Садыков Йосыф ГАОУ "Республиканский олимпиадный центр" тарафыннан башлангыч сыйныф укучылары өчен үткәрелә торган математика фәненнән "Эверест" олимпиадасында катнашып кайтты.Молодец, Йосыф.
Уңышлар теләп калабыз.

8 ноябрь-Россия Федерациясе Эчке эшләр органнары хезмәткәрләренең хезмәт вазыйфаларын башкарганда һәлак булганнарны искә алу көне.
Эчке эшләр органнары хезмәткәре һөнәре-хәзерге дөньяда иң куркынычларның берсе.Тәрбия буенча киңәшчесе "Тормыш хакына батырлык"дигән батырлык дәресе үткәрде. Ул эчке эшләр органнары хезмәткәрләренең хезмәт бурычларын үтәгәндә каһарманлык үрнәкләре турында сөйләде.

Мәктәп педагоглары Халыклар бердәмлеге көненә багышланган «Зур этнографик диктант»акциясендә катнаштылар.
«Зур этнографик диктант " - үзенчәлекле тестлаштыру, ул дөньяның 40 тан артык илендә үткәрелә. Педагоглар Россия Федерациясе халыкларының мәдәнияте, гореф-гадәтләре һәм телләре темасына багышланган 30 сорауга җавап бирделәр. Акция илебездә яшәүче халыкларның мәдәниятен яхшырак белергә, шулай ук этномәдәни мәгърифәтнең гомуми дәрәҗәсенә бәя бирергә һәм милләтара тынычлык һәм татулык кебек аспектларга җәмәгатьчелек игътибарын җәлеп итәргә мөмкинлек бирә. Акциядә катнашучы һәркем җыелган баллар күрсәтелгән сертификат алды.