В.Г. Тимирясов исемендәге Казан инновацион университеты студентлары 9-11 нче сыйныф укучылары өчен профилактик чара үткәрделәр.
Уку йортына керү таләпләре һәм студентлар тормышы белән таныштырып киттеләр

Бүген Татарстан Республикасы Арча муниципаль районы мәгариф учреждениеләре профсоюзлары әгъзалары арасында өстәл теннисы һәм бадминтон буенча зона ярышлары узды.
Сәмигуллина Алсу-3 урын (өстәл теннисы)
Сабирова Гөлназ-2 урын (бадминтон)
Хәйруллин Рәмис-3 урын (бадминтон).
Ихлас күңелдән коллегаларыбызны җиңүләре белән котлыйбыз!

Бүген Пушкин картасы программасы нигезендә укучыларыбыз бик матур, эчтәлекле концерт карадылар. Үзләре дә артистларның җырларына кушылып җырладылар, рәхәтләнеп ял иттеләр.

Безнең мәктәпнең шәфкать туташы Хәбибуллина Г. К. укучылар өчен «Нәрсә ул ВИЧ һәм СПИД? " дигән әңгәмә үткәрде.

Әңгәмә барышында ул ВИЧ-инфекция йоктыру юллары, симптомнар, профилактика, дәвалау турында сөйләде. Әңгәмә барышында укучылар сораулар бирделәр.

Юл хәрәкәте куркынычсызлыгы атналыгы кысаларында бүген мәктәптә «Бердәм юл хәрәкәте куркынычсызлыгы көне»узды. 10-11 сыйныфларда "юл хәрәкәте кагыйдәләре проблемалары"дигән түгәрәк өстәл үткәрелде.Гомерне һәм сәламәтлекне саклау өчен юлда кагыйдәләрне үтәү кирәклеген исегезгә төшерәбез!
Игътибарлы булыгыз, сезнең куркынычсызлык — сезнең кулда бит!

Бүген 5 нче сыйныфта ата-аналар җыелышы узды. Җыелышның темасы: 5 нче сыйныфта адаптация чоры.
Башлангыч сыйныфта һәр укучы укытучысының күз алдында гына. Ә югары сыйныфта алар үзаллылыкка өйрәнергә тиеш: дәрескә хәзерләнү, бүлмәдән-бүлмәгә йөрү, төрле хәлләрне чишү. Дәрескә соңга калу, өйгә эшне хәзерләмәү - башлангыч сыйныфларга караганда җитдирәк проблемага әверелә. Кайбер бала адаптация чорын тиз һәм җиңел кичерә, ә кайберләренә хәтта еллар кирәк. Бу вакытта аларның уку өлгереше дә түбәнәя.
Югары сыйныфка күчүнең дә уңай яклары бар. Төрле укытучылар укыту, төрле бүлмәләрдә белем алу аларга мавыктыргыч булып тоела. 5 нче сыйныфта, әйтерсең дә, бала өчен яңа тормыш башлана. Күп бала бу вакытта үзенең ни белән кызыксынуын ачыклый. Димәк, булачак һөнәрен дә күзаллый дигән сүз.

Бүген мәктәбебез укытучылары һәм укучылары «Татарча диктант – 2025» Бөтендөнья акциясендә катнашалар. Акциянең төп максаты – татар теленә һәм мәдәниятенә игътибарны җәлеп итү, татар телен яратучыларны берләштерүгә юнәлтелгән.
Бүгенге көндә ”Татарча диктант ” – Татарстан Республикасында, Россиядә һәм чит илләрдә яшәүче татарларны берләштерүгә ярдәм итүче акцияләрнең берсе.

ОБЗР фәненнән олимпиаданың район этабында 3 нче сыйныф укучысы Закиров Эмиль призер булды. Укытучысы: Хәбибуллина М. Р.
Аларны чын күңелдән котлыйбыз, молодцы!

Юл хәрәкәте куркынычсызлыгы атналыгы кысаларында бүген мәктәптә «Бердәм юл хәрәкәте куркынычсызлыгы көне»узды.
Башлангыч сыйныфларда юл хәрәкәте кагыйдәләре буенча рәсем конкурслары, " Мин ЮИДны сайлыйм!".
Әлеге чараларның максаты-автокатастрофа корбаннарын искә алу, аларның якыннарының кайгысын уртаклашу гына түгел, җәяүлеләргә һәм машина йөртүчеләргә, бөтен җәмгыятькә юлларда куркынычсызлыкны тәэмин итү кирәклеге турында тагын бер кат искәртү.

"С. З. Габдрахманова исемендәге Яңа Кенәр урта мәктәбе" командасы 2025-2026 еллар сезонында "КЭС-БАСКЕТ" мәктәп баскетбол лигасы Бөтенроссия Чемпионатының муниципаль этабы финалында 3 урынны яулады.Тренер: Хәйруллин Зөлфәт Таһир Улы
Котлыйбыз, алга таба җиңүләр телибез!