Татарстанның халык язучысы Гариф Ахуновка багышланган “Хәзинәле гомер” IV Районара Ахунов укуларында безнең мәктәптән: 2 нче сыйныф укучысы Гилазова Инзилә катнашып ,3 нче урын яулады.Җитәкчесе: Файзрахманова Ф. А..Чын күңелдән котлыйбыз .

Татарстанның халык язучысы Гариф Ахуновка багышланган “Хәзинәле гомер” IV Районара Ахунов укуларында безнең мәктәптән 6 "Б"дан Касимов Инсаф үзе язган шигыре белән катнашып  3 урынга лаек булды.9 сыйныф укучысы Нигаметзянова Инзиля фәнни-эзләнү эшләре белән катнашып 2 урын алды. Җитәкчесе: Садикова Н.К..Чын күңелдән котлыйбыз .

Татарстанның халык язучысы Гариф Ахуновка багышланган “Хәзинәле гомер” IV Районара Ахунов укуларында безнең мәктәптән к 10 сыйныф укучысы-Хәкимзянов Булат фәнни-эзләнү эшләре юнәлешендә катнашып 1 урынга лаек булды.Җитәкчесе: Фазуллина Л.Р. Чын күңелдән котлыйбыз 

Арча сәнгать мәктәбендә Гариф Ахуновның 100 еллыгына багышланган "Илһам алам күңел чишмәсеннән" дип исемләнгән әдәби-музыкаль кичә уздырылды.

Фойеда кунакларны сәнгать мәктәбенең "Мирас" гармунчылар ансамбле, Үзәк китапханә һәм "Казан арты" тарих-этнография музее хезмәткәрләре әзерләгән китап һәм язучының үзе, гаиләсенә багышланган фотокүргәзмә каршы алды.

Әлеге чарада мәктәбебезнең башлангыч сыйныф укытучысы Миләүшә Руфиковна да катнашып кайтты.

Мәгариф оешмалары профсоюз членнары арасында көзге кросс узды. Әлеге ярышларда мәктәбебез укытучылары да актив катнаштылар һәм уңышлы чыгыш ясадылар. Катнашучыларның барысына да рәхмәтебезне белдерәбез һәм алга таба да уңышлар телибез!

Бүген мәктәптә «яшүсмерләрнең административ һәм җинаять җаваплылыгы»темасына профилактик әңгәмә уздырылды. Чарада Арча районы буенча полиция өлкән лейтенанты, ПДН инспекторы Габидуллина Гүзәл Зөлфәт кызы катнашты.
Бу чараның максаты балигъ булмаганнарның хокук бозуларын профилактикалау; хокукый белемнәрне пропагандалау; җаваплы карарны мөстәкыйль кабул итү күнекмәләрен формалаштыру; катлаулы ситуацияләрне тәнкыйди анализлау күнекмәләрен формалаштыру.
Гүзәл Зөлфәт кызы үз чыгышында балаларга закон бозмаска һәм җинаять корбаны булмаска кирәклеген искәртте.

Бүген Ташкичү һәм Яңа Кенәр командалары арасында мини-футбол буенча иптәшләрчә турнир узды.
«Кубок Дружбы»:
1 урын - Яңа Кенәр-1 (5 класс)
2 урын - Ташкичу
3 урын - Яңа Кенәр-2.
Котлыйбыз.

14 сентябрь-Халыкара фашизм корбаннарын искә алу көне уңаеннан Тәрбия буенча директор  киңәшче укучылар белән берлектә "Хәтер аллеясы"чарасын оештырды.

Безнең мәктәптә кайнар туклануны оештыруга ата-аналар контроле узды.
Ата-аналар ашамлыкларның сыйфатын, ризык әзерләү процессын һәм мәктәп ашханәсендә санитария нормаларының үтәлешен тикшерделәр.
Без ата-аналарның контрольдә тотуда катнашуын югары бәялибез һәм балаларыбызны тәмле һәм сәламәт тукландырырга омтылабыз.

Бүген мәктәбебездә "Игътибар, балалар!" акциясе кысаларында “Юл йөрү кагыйдәләрен беләсеңме?” дигән темага тәрбия сәгате үткәрелде. Тәрбия сәгатенең максаты: укучыларның юл йөрү кагыйдәләре турындагы белемнәрен баету. Урам аркылы бары тик билгеләнгән урыннардан, светофорның яшел уты янгач кына чыгарга кирәклеген өйрәнү. Транспортта үз-үзеңне тоту кагыйдәләрен ныгыту. Балаларда урамда йөргәндә игътибарлылык, тыйнаклылык, транспортта утырып йөргәндә тәртиплелек тәрбияләү. Әлеге тәрбия сәгатендә укучылар юл билгеләрен, юл йөрү кагыйдәләрен кабатладылар, презентация белән таныштылар, тиешле сорауларга җаваплар таптылар.