9-10 класс укучылары, илебезнең күп кенә хәрби бүләкләре атрибуты булган Георгий  тасмасына багышлап , мәктәп күләмендә чара үткәрделәр.Георгий тасмасының тарихы һәм ел саен Россия күләмендә үткәрелә торган акциянең максаты турында тулы итеп сөйләделәр,ә башлангыч класс укучылары өчен ,әлеге темага видеоролик  карауны оештырдылар.

“Спортлы Татарстан” акциясе кысаларында укучылар арасында ярышлар уздырылды. Әлеге чарага укучылар бик теләп катнаштылар.

“Язгы мәрхәмәтлелек атналыгы” кысаларында, “Мәрхәмәтле  Җир көне” уңаеннан 10 класс укучылары , дәресләрдән соң  мәктәп яны тәҗрибә участогына чия һәм миләш куаклары утырттылар.Мәктәп күләмендә ,мәктәп тирә-юнен матурлау өчен ,чәчәк үсентеләре әзерләү буенча кызу эш бара.

“Спортлы Татарстан” акциясе кысаларында укучылар яраткан кумирлары белән уртаклаштылар, кумирлары турында кызыклы материаллар белән таныштырдылар.

Укучыларыбыз авылыбызның ак әбие,ялгызы гына гомер итүче  Вәлиева Әминә апа янында еш булалар.21 апрель көне 5 класс укучылары Әминә апаның хәлен белеп,өй эшләрендә булышып,тирә-юнен тәртипкә китереп ,зур рәхмәтләрен,изге киңәшләрен алып кайттылар

Татар теле һәм әдәбияты укытучысы Гыйниятуллина Нурия,6-7 класс укучылары  өчен “Мәрхәмәтлелек дәресе” әзерләп үткәрде.Әлеге дәрестә , Кече Болгаер авылы  китапханәчесе  Гайфуллина Гөлүсә дә катнашты.

Чиста Су , Җир, Һава көне. Экологик бәла-казаларны булдырмый калу һәм Җиребезне саклауга һәркем үз өлешен кертергә тиешлелек турында уйландыра,искәртә торган көн.

Бүген, 20 нче апрельдә, Борнаш урта мәктәбендә татар теле укытучылары Гиниятуллина Н.Ә. кызы һәм Миннубаева А.Ф. кызы тарафыннан Тукай дәресләре уздырылды.

Бүген укучылар сәламәтлек һәм спорт турында “Красногорский” фестивале кысаларында фильм карадылар.

20 апрель-Россиядә” Донор көне” уңаеннан, авылыбыз  фельдшеры  Ахмадуллина Гөлүсә,югары класс укучылары  алдында чыгыш ясады.Ул кан бирүнең нечкәлекләренә тукталды,донор булуның изге эш икәнен,кемнәр өчен кирәклеген аңлатты, “Мактаулы донор”,аның льготалары турында сөйләде.