Мәктәбебезнең иң лаек укучысы Гиниятуллин Алмаз 25 декабрь көне Боз сараенда үткән Президен чыршысында катнашты һәм яхшы кәеф,уңай тәэсирләр белән кайтты.

Мәктәп күләмендә Яңа ел кичәсе әзерлек белән,оешкан төстә,күңелле узды.1-5 сыйныф укучылары “Яңа елны көткәндә” исемле,ә 6-11 сыйныфлар “Әтәч-шоу” дигән тамаша тәкъдим иттеләр.Балалар туйганчы күңел ачып,яңа ел бүләкләрен алып,зарыгып көтеп алган кышкы каникулга таралдылар.

Районыбызның үзәк паркындагы чыршыны ачу бәйрәмендә 4 сыйныф укучылары Гарипов Азат һәм Мифтахова Язгөл катнаштылар.Район башлыгы,килгән кунаклар,районыбыз һәвәскәрләренең чыгышы,уеннар һәм дәртле биюләр балалар күңеленә хуш килде.

Юнармия хәрәкәте әгъзалары изге гамәлләр башкаруларын дәвам итәләр.Өлкән яшьтәге әби-бабайларга дарулар,азык-төлек алып кайтып бирәләр,терлекләргә печән,салам кертүдә булышалар,кар көриләр.Һәйкәлләргә,чишмәләргә шефлык итәргә дә онытмыйлар.

Дәүләтҗанова М. үзенең 9 сыйныф укучылары белән,югары класс укучылары өчен,наркотикларның организмга зарарлы тәэсирен, аянычлы нәтиҗәләрен кисәтүгә багышланган ачык тәрбия сәгате әзерләп үткәрде.Соңыннан ,тормышның  кыйммәтен аңларга өйрәтүче видеоролик күрсәтелде.

Барыбызның да  көтеп алган бәйрәме –Яңа елны каршы алырга зур әзерлек бара.Аеруча кыш бабайның нәни дуслары түземсезлек белән көтә.Озынайтылган көн төркеменә йөрүче укучылар ,Фәйзуллина Ләлә апалары белән бергәләп,тәрәзәләргә бизәкләр төшерәләр,класс бүлмәләрен бизәү өчен менә шундый нәфис чыршылар иҗат итәләр,бүләкләр әзерлиләр.

Ун укучыны берләштергән “Юнармия” хәрәкәте әгъзалары 12000 изге гамәл акциясенә теләп кушылдылар.Әби-бабайларга көндәлек эшләрендә булышалар,телефон өчен акча салырга ,айлык түләүләрен түләргә,яңа ел чыршысы бизәргә һәм башка күп кенә яхшы гамәлләр башкарырга өлгерделәр инде.Акция дәвам итә.

Әлеге уңайдан, бер төркем укучылар ,Әлмәндәр авылында яшәүче хезмәт ветераны,биш бала анасы Хафизова Фәйрүзә апаның өенә барып,хәлләрен белеп,күчтәнәчләр тапшырып кайттылар.Күп авырлыклр күргән әбинең сәламәтлеге инде нык какшаган,күңеле дә йомшарырга гына тора.Аның укучыларга булган рәхмәт хисләре күз яшьләре булып бәреп чыкты.Изгелек кылудан укучылар үзләре дә канәгать калдылар.

Тарих һәм җәмгыять белеме укытучысы Дәүләтҗанова М. ,мәктәпкүләм  линейкада Конституция көне уңаеннан  чыгыш ясады.Ул Россия Конституциянең ,кешенең хокукларын,иреген яклаучы,илебездәге башка законнарның асылын,эчтәлеген билгеләүче төп законы булуын,12 декабрь- дәүләт куләмендәге зур бәйрәм көне булуын ассызыклап үтте.