Көн тәртибендә беренче яртыеллык йомгаклары, дәүләт йомгаклау имтиханнарына әзерлек һәм тәрбия мәсәләләре каралды.Ата-аналар район мәгариф бүлегеннән  һәм Татарстан республикасы мәгариф һәм фән министрлыгыннан килгән хатлар белән таныштырылды.Җыелышта Болгаер,Әҗем һәм Борнаш авылы фелдшерлары да катнаштылар.Алар әти-әниләр алдында мәктәп укучысының көндәлек режимы,йокы һәм  чисталыкка карата гигиена таләпләре  турында чыгыш ясадылар,әлеге кагыйдәләрнең ,балаларның физик һәм акыл үсеше,шулай ук иминлеге һәм яхшы кәефе өчен нигез булып торуын дәлилләделәр.Җыелыш  классларда дәвам итте.Ата-аналар фәнчеләр,класс җитәкчеләре белән очрашып,укучыларның  уңышлары,сынап карау эшләре нәтиҗәләре һәм  башка проблемалар белән якыннан таныштылар.

Беренче яртыеллык йомгакларына багышланган мәктәпкүләм линейка булды.Уку торышына,дәрескә йөреш һәм тәтртип мәсьәләләренә нәтиҗә ясалды.Уку алдынгылары,олимпиадаларда уңышлы чыгыш ясаган укучылар мактау грамоталары белән бүләкләнде.

Борнаш урта мәктәбендә “Әдәби кунакханә” түгәрәгенә йөрүче укучылар (җитәкчесе рус теле һәм әдәбияты укытучысы Музаффарова Сания),”Рус теле һәм әдәбияты патшалыгында” дигән тамаша әзерләп күрсәттеләр.Әлеге патшалыкның  мавыктыргыч,бай  дөньсына сәяхәт  вакытында укучылар дөньякүләм танылган  рус әдәбиятының йолдызлары А.С.Пушкин,М.Ю.Лермонтов,Ф.И.Достоевский,М.Булгаков турында белемнәрен үстерделәр,Е.Онегин,Печорин,Мастер һәм Маргарита кебек геройларны күңелләрендә яңадан тудырып, рус сәнгатенә карата соклану һәм горурлык хисләре кичерделәр.

 10 класс укучысы Вәлиев  Рәзил Татнефть Аренада булган “Алладин һәм Утны буйсындыручы”дигән боз өстендәге шоу тамашасын карарга Казанга барып кайтты.Элеге чараныАпас районы башкарма комитетының яшьләр белән эшләү бүлеге оештырды.

Бүген “ЮИД” отряды әгъзалары “Әллүки “балалар бакчасына йөрүче нәниләр белән очраштылар. Юл кагыйдәләренә  багышланган занятиядә катнаштылар, балалар белән аралаштылар.

Борнаш урта мәктәбенең элеккеге укучысы, Казан шәһәрендә яшәп иҗат итүче, отставкадагы юстиция киңәшчесе Гаптелганиев Рафис  Гаптелбари улы белән очрашу булды.Ул үзенең тормыш һәм иҗат юлы белән таныштырды,укучы балаларга тормышта үз юлыңны табу,теләгеңә  һәм уңышларга  ирешү өчен саллы киңәшләрен бирде,үз үрнәгендә, матур мисаллар китерде.Рафис  Гаптелбари улы буш кул белән килмәгән: музейга экспонатлар һәм укучыларга хоккей киемнәре алып килгән. Зур рәхмәт аңа!

 Бүген район мәдәният йортында уку алдынгылары ,төрле конкурсларда җиңү яулаган иң лаеклы  укучылар Глава чыршысында  катнаштылар.Мәктәбебездән  беренче яртыеллыкны гел “5”билгеләренә тәмамлаган ун укучыбыз һәм Республикакүләм бәйгеләрдә җиңү яулаган Замалиева Ә.,Ахметова Э.,Миннебаев А. катнашты.Алар яңа ел күчтәнәчләре,мактау грамоталары ,саллы бүләкләр алып кайттылар.

 Глава кубогына йөзү ярышлары узды.Безнен мәктәптән, Хәйруллин Айдар җитәкчелегендә Насыров Эмильбелән  Узбеков Имиль катнашты һәм  уңышлы чыгыш ясап кайттылар.Афәрин ,егетләр!

3 январь көне Боз сараенда, 2003 нче елгы һәм аннан яшьрәк булган малайлар арасында. Глава кубогына хоккей ярышы  булды.Сөләйманов Илфат җитәкчелегендәге  мәктәбебез  командасы ,уңышлы чыгыш ясап,3 урынга лаек булды.Өметле егетләребезгә яңадан-яңа уңышлар насыйп булсын!