Мәгариф бүлегенең 03.11.2017 № 902 номерлы хаты нигезендә ,яшүсмерләр арасында наркоманияне кисәтүгә багышланган чаралар үткәрелә.Физик хәзерлек укытучысы Хәйруллин Айдар ,“Наркотикларга каршы –спорт” темасы астында, 5-6 класс укучылары арасында уен-ярышлар,”Хәрәкәтле уеннар” түгәрәгенә йөрүче башлангыч класс  укучылары  белән күңелле стартлар әзерләп үткәрде.

Балаларның көзге каникулын күңелле дә,файдалы да итү максатыннан,районыбыз җитәкчелеге Казан шәһәренә экскурсияләр оештырды.К.Тинчурин театрына барып балалар өчен махсус  әзерләнгән спектакль карап кайту бәхете безнең мәктәптән бертуган Нуруллиналарга насыйп булды.Иң мөһиме ,укучыларыбыз шатланып,канәгать булып кайттылар.

10 сыйныф укучылары Зәйнуллина И. һәм Хафизова Р.Буа шәһәрендә үткәрелгән  “Шәҗәрәләр-нәсел  агачы”дип исемләнгән фәнни-гамәли конференциядә үзләренең эзләнү эшләре белән чыгыш ясадылар(җит.Дәүләтҗанова М.З.)Кызлар  үз нәселләренең үткәнен,әби-бабаларының  гыйбрәтле  тормышларын,көнкүрешләрен өйрәнүне дәвам итәчәкбез  дигән теләк белән кайттылар.

Класс сәгатьләре "Интернет челтәрләрен куркынычсыз куллану" темасы астында узды. Укучыларны төрле чикләүче программалар белән таныштырылды.

Фәйзуллина Л.җитәкләгән “Оста куллар-1” түгәрәгенә башлангыч сыйныф укучылары яратып йөриләр.Рәсем ясау,буяулар белән эш итү серләренә төшенәләр.Кәгазьдән,пластилиннан төрле кул эшләр иҗат итәләр.Соңыннан һәркем үз эшен мини-күргәзмәгә урнаштыра.

Башлангыч сыйныфларның класс сәгате балалар язучысы Д.Н.Мамин-Сибирякның тууына 165 ел тулу уңаеннан,аның тормыш юлы һәм иҗатына багышланды.Әлеге чарада Кече Болгаер авылы китапханәчесе Гайфуллина Г.катнашты.Ул балаларга язучының китапларын тәкъдим итте,әкиятләре белән таныштырды.Кайбер  әкиятләрен мавыктыргыч итеп сөйләп тә күрсәтте.Ә балалар исә ,үз чиратларында,язучының дәресләрдә өйрәнгән әкият-хикәяләре белән уртаклаштылар.

25 октябрь көнепедагог-оештыручы Фәйзуллина Л.җитәкчелегендә ,мәктәбебезнең бертөркем актив укучылары: Миннебаев А.,Мингалиева Д.,Абзалова С.районда оештырылган Татарстан Республикасының яшь гражданнары форумында катнаштылар.Форум ,спорт һәм яшьләр эше министырлыгы инициативасы  белән оештырылды.Балалар аерым секция-төркемнәргә бүленеп ,район үсешенә кагылышлы,яшьләр тормышын тагын да эчтәлекле һәм файдалы итү юлларын барладылар.

Тарих һәм җәмгыять белеме укытучысы Дәүләтҗанова М.,ТР конституциясенең 25 еллыгына багышлап ,югары класс укучылары өчен  парламент дәресе әзерләп үткәрде.Әлеге дәрестә район советы депутаты  Сайфуллина Зилә катнашты.

Файзуллина Л.М. җитәкчелегендәге озынайтылган көн  төркеменә балалар теләп йөриләр.Дәресләргә әзерлек,саф һавада хәрәкәтле уеннар дан тыш кәгазьдән төрле кул эшләре эшләргә өйрәнәләр.Ә моның өчен балаларның  кул астында барлык кирәк-яраклары да бар.