Бүген без авылның  ФАП ына балалар белән кердек. Балаларны  Илсөяр Каюмовна  дару  үләннәре белән таныштырды. Балалар кычыткан,мөтнек, үги ана яфрагы һ.б.     файдасы күплеген белделәр.

Бүген  Халыкара балаларны яклау көне уңаеннан  балалар бакчасында бәйрәм уздырылды . Балалар саф һавада төрле-төрле  уеннар уйнадылар. Спорт ярышларында теләп катнаштылар.

 24нче май көнне башка барлык мәктәпләрдәге кебек үк Югары Әлморза мәктәбендә  дә "Соңгы кыңгырау" бәйрәме булып узды. Бәйрәмгә мәктәпкә безнең балалар бакчасыннан да балалар керделәр.

Хөрмәтле Гөлфия Хасыбулловна!

Сезне туган көнегез белән тәбриклибез.Алдагы тормышыгызда уңышлар,бәхет,шатлык телибез.

      Дөньяның күп кенә илләрендә бу датаны җитештерүдә каза күрүчеләр яки һәлак булучыларны искә алу көне буларак билгеләп үтәләр. Быел ул “Һөнәри авыруларны кисәтү” шигаре астында уза.

Балалар бакчасында да бакчадагы барлык эшләүчеләрне  дә эш урынында хезмәтне саклау  кагыйдәлере инструкцияләре белән кабаттан таныштырылды.

Бүген Габдулла Тукайның туган көне. Бу сөекле шагыйребезнең  татар халкы өчен роле әйтеп бетергесез. Инде менә ничә буын аның әкият-шигырьләрендә тәрбияләнә .Киләчәк буынны тәрбияләү- безнең кулларда, шуңа күрә дә Тукайның бөеклеген, аның уй-фикерләрен, зур тәрбияви әһәмияткә ия әсәрләрен без балаларга җиткерергә тырышабыз.

Шуны күздә тотып без Югары Әлморза авылының мәдәният йортында урнашкан китапханәгә балалар белән юл тоттык. Китапханәче Гөлфәридә апа  Г.Тукайның күп кенә китапларын балаларга күрсәтте.Шигырьләрен укыды,әкиятләре белән таныштырып үтте.