Хөрмәтле әти-әниләр һәм коллегаларыбыз.

“Terror” –курку, дәхшәт дигәнне аңлата. Бу сүзне бүген дөньяда белмәгән кеше юктыр.Кешеләр бу күренеш алдында үзләрен яклаучысыз, көчсез итеп тоя. Бу бик зур проблема Кешелек дөньясы өчен. Ул күп кенә илләрне биләп алды. Һәр граждан террор алдында үзен көчсез, саклаучысыз итеп хис итә.

• Сезгә киңәшләр:

• Һәрвакыт уяу булырга.Таныш булмаган кешеләр, аларның үз-үзләрен дөрес тотмау күренешен күрсәгез ,тәртип саклау органнарына хәбәр итегез.

• Очраган сумка, пакет, чемодан, портфель күрсәгез кулыгызга алырга кирәкми.

• Үз көчегез белән күңелегезгә сәер булып тоелган әйберләрне зарарсызландырырга тырышмагыз. Бу бик куркыныч!

• Тиз генә куркыныч зонадан чыгып китү ягын карагыз.

Хөрмәтле коллегаларыбыз,әти-әниләребез. 3 декабрь - Халыкара инвалидлар көне.  Кызганычка каршы, әйләнә-тирәбездә мөмкинлеге чикләнелгән кешеләр , авыру балалар  бар . Без андый кешеләргә карата  ихтирамлы, миһербанлы, түзем булсак иде.                                                

     Яшәү авыр булыр иде

                                          Яхшылыктан башка

                                          Шуңа күрә яхшылыкны эшлик,

                                          Без үзебез башта. (Р.Миңнуллин)

Бүген  безнең балалар бакчасында  "Әниләр бәйрәме"  булды.Балалар әниләргә багышланган  шигырьләр  сөйләделәр, "Әнием",  "Әткәй  шикәр, әнкәй бал" һ.б. җырлар җырладылар,татар халык биюенә биеделәр. Килгән әниләребез канәгать калдылар.

Әни. Нинди зур сүз бу!     (Н.Дәүли)

Кеше үз гомерендә шул сүзне ничәмә-ничә кабат әйтә икән? Әйткән саен, ул сүз яңадан-яңа мәгънә алып килә. Ана шул бер сүздән синең шатлыгыңны да, кайгыңны да, уйларыңны да белә. Алай гына түгел, ана бу сүз аша синең йөрәгеңне күрә. Әйе, күрә. Чөнки «әни» дигән сүз ул үзе йөрәктә туа. Ә йөрәктән чыккан сүз йөрәккә барып керә. Әни дип әйттеңме, син инде көчле дә, син инде бәхетле дә!

Хөрмәтле әти-әниләр, коллегалар!

 4 ноябрь – Халыклар бердәмлеге көне.  “Бердәмлек“ төшенчәсе туплану, берләшү мәгънәсенә ия. Нәкъ менә бердәмлек, татулык күп кенә авырлыкларны җиңеп чыгарга ярдәм итә дә бит инде. 

Сезне бу бәйрәм белән  чын күңелдән тәбрик итәбез. Бергә булыйк,бердәм булыйк!

Сиздермичә җылы җәйге көннәр
Тиз-тиз генә үтеп киттеләр.
Алтын көз дә килеп җитте инде,
Кошлар җылы якка киттеләр.

Коелышкан яфраклар җирне
Җылытканнар, каплап алганнар.
Хәзер көннәр бигрәк кыскарганнар,
Көздән кышка таба баралар.

Без бүген балалар бакчасында , балаларның юлларда исән-имин йөрүләрен булдыру өчен әти-әниләргә яктылык кайтаргычларын куллану кирәклеге турында әңгәмә үткәрдек. Бу яктылык кайтаргычларны балаларның кышкы киемнәренең җинәренә  куелуын  әйтеп үттек.

Укытучым!

Бар гомерне җитәр яктыртырга,

Сез кабызган утның яктысы.

Нурга күмсен иде гомерегезне

Безнең гомернең дә балкышы.

Сезне һөнәри бәйрәмегез белән тәбриклибез.Бәхет,исәнлек-саулык,киләчәктә уңышлар телибез.

Гөлсинә Тәүфиковна! Сезне Тәрбиячеләр көне белән тәбриклибез. Бәхет,исәнлек- саулык телибез.

Хөрмәтле коллегалар һәм әти-әниләр! Сезне барыгызны да зур бәйрәм - Корбан бәйрәме белән тәбриклибез.

Аллаһы Сөбханә вә Тәгалә ил-көннәребезгә, җаннарыбызга тынычлык, тәннәребезгә исәнлек-саулык, күңелләребезгә эдәп тәүфыйк-һидаять биреп, һәркайсыбызга хәерле һәм бәрәкәтле тормышлар насыйп итсен.