Хөрмәтле  әниләр һәм коллегалар !  

 Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзен бизәгән халыкара хатын-кызлар көне белән тәбриклибез! Шушы бәйрәм көнне, елмаеп баккан кояш матурлыгын, табигатьнең самимилеге  өстәп  күңелегезгә шатлык, тәнегезгә сихәтлек, өегезгә иминлек алып килсен.

Бәхетле булыгыз!

Бүген безнең балалар авыл клубында “8 нче март халыкара хатын-кызлар көне” нә багышланган  концертта катнаштылар.

Алар концертта биеделәр. Шулай ук “Әнием”, Әткәй шикәр,әнкәй бал”  һ.б. җырлар җырладылар, шигырьләр сөйләделәр.

Әти-әниләр концерттан  канәгать калдылар.

23 февраль-Ватанны саклаучылар көне якынлаша. Бу батырлар һәм кыюлар көне.

Ватанны  саклаучылар  көне –  илебез  халкының  иң  яраткан  бәйрәмнәренең  берсе.
Бу бәйрәм һәркайсыбыз  өчен  изге  төшенчәләрне — Туган  илгә  мәхәббәт,  намус,  хәрби  антка  тугрылык,  армия  белән  халыкның  бердәмлеге, күп  буын  солдатларының  батырлыгы  турында  сөйли.  Һәр  заманда  хәрби  хезмәт,  Туган  илне  дошманнардан  саклауга  әзерлек  халкыбызда  изге  бурыч  кына  түгел,  иң мөһим  игелекле  эш  булып  та  саналды,  аеруча  мактаулы  һәм  хөрмәтле  булды.
Бәйрәм көнне Туган  илебезнең азатлыгын һәм  бәйсезлеген  яклаган,  батырлык  һәм  Ватанга  тугры  хезмәт  итү  үрнәге  булган  Бөек  Ватан  сугышы  яугирләренең   хәрби  батырлыгы  алдында  баш  иябез.  Бар  булмышын  Бөек  Жиңү  хакына  биргән  изге  сугыш  һәм  хезмәт  фронты  батырларының  исеме  халкыбыз  хәтерендә  мәңге  яшәр.

Хөрмәтле әтиләребез! Сезне әлеге бәйрәм белән чын күңелдән тәбриклибез. 

Бүген  безгә авыл китапханәсеннән Гөлфәридә Имамовна керде.Ул балаларга шагыйрь Муса Җәлил турында сөйләде.Аның кызыклы шигырьләрен укыды.

Җыр өйрәтте мине хөр яшәргә

Һәм үләргә кыю ир булып.

Гомрем минем моңлы бер җыр иде,

Үлемем дә яңрар җыр булып. (Муса Җәлил)

Бүген бездә күрше Юхмачы авылыннан янгын күзәтчелеге бүлегеннән хезмәткәрләр килделәр. Алар балалар белән "Ут белән уйнама" дигән темага әңгәмә уздырдылар. Балаларга ут  һәм  шырпы белән уйнауның ничек хәтәр булуын аңлаттылар. 

Хөрмәтле әти-әниләр, балалар һәм коллегаларыбыз ! Сезне яңа ел белән чын күңелдән тәбриклибез.Бәхетле булыгыз!

Хөрмәтле әти-әниләр, коллегалар  һәм балалар ! Сезне чын күңелдән декабрь бураннары алып килгән Яңа ел белән котлыйбыз! Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. !

Хөрмәтле әти-әниләр!  Сезне  26 нчы декабрь көнне сәгать 9.00 дә  Яңа ел бәйрәменә чакырабыз.

Балалар бакчасына 2016 нчы елның 1 нче гыйнварыннан түләү артачак.  Ул  Татарстаныбызда  уртача 8% ка ( 180 сумнан алып 270 сумга кадәр ) артачак .

Игътибар:

  Барлык ташламалар да, компенсацияләр дә сакланачак.  

Балалар бакчасына түләү турындагы  тулырак информацияне балалар бакчасының файдалы мәгълүмат  бүлегеннән (Әти-әниләр, Сезнең өчен! бүлекчәсеннән) укый аласыз.