Габдулла Тукай – бөек татар шагыйре. Ул - безнең күгебезне яктыртыр өчен чыккан һәм батмас кояшыбыз. Иҗатының зур өлешен поэзия били. Шуңа күрә, икенче төрле, аны татар поэзиясенең кояшы, дип атарга була. 2011 елның 26 апрелендә бөек шагыйребезнең тууына 125 ел тулды. Ул күп иҗади мирас калдырган. Аның шигъри, әкияти иҗаты белән без горурланабыз.

Без дә балалар бакчасында  Габдулла Тукайның туган көненә багышланган кичә үткәрдек. Балалар яраткан шагыйребезнең әкиятләрен,шигырьләрен сөйләделәр."Туган  тел" җырын  җырладылар.

Г.Тукай әсәрләре балаларга телебезнең матурлыгын, байлыгын аңларга, аны сиземләргә, үзләрендә күркәм сыйфатлар булдырырга, тел хәзинәсен тирәнтен аңларга, кеше өчен газиз булган туган җиргә, туган телебезгә мәхәббәт, әти-әниләргә, өлкәннәргә карата хөрмәт-итагәть тәрбияләргә, үзләрендә хезмәт сөю, тыйнаклык, шәфкатьлелек кебек күркәм сыйфатлар булдырырга ярдәм итә. 

Безгә җылы яктан кошлар кайттылар. Алар турында безгә авыл китапханәсендә эшләүче Гөлфәридә Имамовна сөйләде. Бу темага багышланган шигырьләр укыды. Шулай ук аларның төрләре белән дә таныштырды.

Нәүрүз килде, тиз килде,

Нәүрүз килде яз килде,

Яз белән муллык килде,

Яз белән көрлек килде.

Бүген Югары Әлморза мәктәбендә Нәүрүз бәйрәме булды. Балалар бакчадан мәктәпкә бәйрәмгә керделәр.

Анда Нәүрүз боткасы пешерелде. Аннары күңелле концерт булды.

         Бүген безгә авыл китапханәсеннән Гөлфәридә Имамовна керде.Ул балаларга төлке образы кергән  төрле кызыклы әкиятләр укыды:

-"Сер тотмас үрдәк"

-"Төлке белән торна"

-"Төлке белән каз"

-"Аю балалары һәм төлке" һ.б.

Балаларга  бик күңелле булды. 

Бүген балалар бакчасында 8 март бәйрәме булды.Балалар әниләргә багышланган җырлар җырладылар,шигырьләр сөйләделәр,биеделәр. Аннары соң әниләргә "Өч кыз" әкиятен  сәхнәләштереп күрсәттеләр. Әниләренә үзләренең бәйрәм бүләкләрен тапшырдылар.Бәйрәм балаларга бик ошады.

                          Хөрмәтле әниләр һәм коллегаларыбыз! 

       Сезне бу матур бәйрәм белән тәбриклибез.Исәнлек-саулык,бәхет телибез.

Без бүген кошларга яңа җимлек куйдык.Аны Нотфуллина Зиләнең әтисе ясады.Яңа җимлеккә инде кошлар да килделәр. Аларны күзәтеп тору балаларга күңелле.

Хөрмәтле әтиләр!

Сезне 23 февраль - Ватанны саклаучылар көне белән чын кунелдән тәбрик итәбез! Сезгә ныклы сәламәтлек, кунел көрлеге, эшегездә зур уңышлар, шатлык - куанычлар, озын гомер телибез! 

Безнең балалар бакчасында юл йөрү кагыйдәләрен өйрәтүгә зур игътибар бирелә.Балалар светафор,аның төсләре,юл йөрү билгеләре, транспортта үз-үзеңне тоту  һ.б.ларны үзләштерәләр.

Безгә бүген күрше Юхмачы авылыннан янгын  күзәтчелеге  бүлегеннән  хезмәткәрләр килделәр. Алар янгын иминлеге кагыйдәләре, янгын сүндерү чаралары белән таныштырдылар.Балаларның ут белән шаяруының нинди бәхетсезлеккә китерүе турында җентекле итеп сөйләделәр.