23 февраль-Ватанны саклаучылар көне уңаеннан  районның сәнгать мәктәбе оештырган рәсем һәм кул эшләре конкурсында мәктәбебез укучылары Чернов Алексей, Салимов Радик , Аминова Айгөл,    Гарданов Дилфас призлы урыннар яуладылар һәм мактау кәгазьләре, дипломнар белән бүләкләнделәр. Конкурста катнашучы калган укучыларһәм мәктәп дирекциясенә рәхмәт хаты тапшырылды. Җиңүчеләребезне  ихлас котлыйбыз.

           21 февраль-халыкара туган тел көнен билгеләп үтү уңаеннан мәктәбебездә бәйрәм иртәсе узды.Татар теле укытучысы З.М.Гыйбадуллина балаларны бәйрәм тарихы, татар теленең халыкара телләр арасында тоткан урыны белән таныштырды. Укучылар Туган телебезне хөрмәтләп шигырләр сөйләделәр, туган телебезнең бай  әдәби мирасы тупланган китаплар күргәзмәсе белән таныштылар. Балаларда ана телебезгә карата  мәхәббәт, аның әдәбиятына карата кызыксыну  тәрбияләү максатыннан бәйге игълан ителде. бу бәйгегә йомгак апрель аенда узачак татар теле атналыгында ясалачак.

    В период с 13 по 18 февраля  в школе прошла "Неделя русского языка и литературы".В рамках недели были проведены следующие мероприятия: конкурс рисунков "По страницам прочитанных произведений", конкурс знатоков русского языка "Аукцион знаний", конкурсный диктант на самого грамотного, и вечер "В мире сказок".  Все учащиеся приняли активное участие во всех мероприятих.
.

15 нче февраль көнне, 4 нче сыйныфта, укытучы Шаехова Инсия Имамагзамовна сөйләм телен үстерү дәресеннән "Йорт хайваннары. Атлар." темасына ачык дәрес үткәрде.

"Русия чаңгы юллары" массакүләм чаңгы ярышларында мәктәбебез коллективы оешкан төстә катнашты.

   Спорт һәм сәламәтлек айлыгы кысаларында мәктәбебезнең физкультура укытучысы Н.А.Сибгатуллин җитәкчелегендәге егетләребез командасы Такталачык, Чалманарат мәктәбе  укучылары белән дусларча очрашу  вакытында  мини-футбол ярышлары оештырып,  үз көчләрен сынадылар.

   Мәктәбебездә    февраль аенда узачак рус теле һәм әдәбияты атналыгына әзерлек  бара . Укучылар атналык кысаларында узачак конкурслар, викториналардагы биремнәргә җаваплар эзлиләр, әдәби әсәрләргә иллюстрацияләр ясыйлар.

   Бүген мәктәбебездә класс җитәкчеләре, тәрбиячеләр, ата-аналар белән берлектә  сөйләшү булды. Сөйләшү-аралашу вакытында,  январь ае буенча балаларның мәктәпкә йөреше күрсәткече каралды.  Йөрешнең уку өлгерешенә һәм сыйфатына тәэсире тагын бер кат ассызыкланды. Ата-анларга балаларны интернаттан  ялларга алып китү һәм китереп кую тәртибе аңлатылды.

 Физкультура укытучысы Н.А.Сибгатуллин  җитәкчелегендәге егетләребез командасы  Россия Махсус Олимпиадасы  программасы кысаларында  Мөслим  районында уздырылачак мини-футбол буенча зона ярышларына әзерлекне башладылар.

   Бүген спорт һәм сәламәтлек айлыгы кысаларында  группалар арасында һәм мәктәп беренчелегенә шашка ярышы булды. 1-2 группалар арасында  4 нче класс укучысы Салимов Радик, 3-4 группа укучылары арасында  9 нчы класс укучысы Хөснияров Айнур җиңүче булды. Мәктәп буенча беренчелектә Хөснияров Айнурга тиңнәр табылмады.  Айнурны җиңүе белән ихлас котлыйбыз, алдагы тормышында зур уңышларга ирешүен телибез.