Атналык кысаларында 10-11 нче класс укучылары катнашында информатикадан «Морской бой» исемендәге интеллектуаль уен булып узды. Укучылар үзләренең информатика өлкәсендәге белемнәрен күрсәттеләр, яңа белемнәр алдылар. Уен бик кызыклы үтте.

25 январь көнне 5 – 6 нчы класс укучылары катнашында математик КВН үткәрелде. Укучылар “ Кояшкай” һәм “ Йолдызлар” командаларына бүленеп математик биремнәр үтәделәр, кызыклы мәсьәләләр чиштеләр, сорауларга җавап бирделәр. Кичә 5 класс укучыларының җиңүе белән төгәлләнде.

“Һөнәр сайлау-җаваплы эш “ дип юкка эйтмиләр. 25 нче январь көнне 9 класс укучылары профориентация юнәлеше буенча анкета сорауларына җавап бирделәр.

Бөек Җиңүнең 73 еллыгы кысаларында һәм патриотлык хисе тәрбияләү өчен, 24 нче январь көнне 9 класс укучыларына “ Ленинград блокадасын өзү “ дип аталган класс сәгате үткәрелде. Укучыларга эчтәлекле видеофильм күрсәтелде, совет сугышчыларының һәм кешеләренең героик көрәше турында сөйләнде. 

В школе продолжается Неделя математики, физики и информатики. В рамках Недели проводятся интересные, познавательные мероприятия. Так, 23 января было проведено интегрированное мероприятие для учащихся 7-8 классов «Физика + математика». 

9 класс укучылары даими рәвештә өлкәннәргә булышып торалар. 23 нче январь көнне Илнар абыйлары җитәкчелегендә аръяк урамга чыгучы басманы һәм Муса Җәлил урамында яшәүче Әнүзә апаның капка төбен кардан чистартып, бозын ватып куйдылар.

19 нчы январь көнне 9 класс укучылары Илнар абыйлары җитәкчелегендә Актаныш технология техникумы тарафыннан үткәрелгән “Ачык ишекләр” көнендә катнашып кайттылар. Техникумның укытучылары укучыларны уку йорты белән җентекләп таныштырдылар: аларга уку кабинетларын, тулай торакны күрсәттеләр һәм техникум турында сөйләделәр.

Балаларны тәрбияләүдә әти-әниләрнең роле әйтеп бетергесез. Укучыларны киләчәк тормышка әзерләүдә класс җитәкчесенең дә роле зур. 17 нче январь көнне 9 нчы класслар белән “ Балаларга әхлак-әдәп тәрбиясе бирүдә әти-әниләрнең роле” дип исемләнгән класс сәгатен Илнар Шәйхенурович үткәрде.

15 нче январь көнне безнең мәктәп базасында “ Ел укытучысы”-2018 конкурсының куст этабы булып узды. Богады, Меңнәр, Аккуз, Байсар, Киров һәм Сәфәр мәктәбе укытучылары ачык дәресләр, мастер-класслар күрсәттеләр. Аларның чыгышларын район мәгариф бүлеге методистлары бәяләде.

Авыл мәктәбе табигатькә якын, һәм бу уңай фактор укучыларыбыз белән ел дәвамында экологик тәрбия өстендә эш алып барырга ярдәм итә. Башлангыч класс укучылары 10 январь көнне туган ягыбызда кышлаучы кошларга җимлекләр ясап элде. Аларга көн саен җим салып, күзәтүләр алып баруларын дәвам итәләр.