1-10 октябрь аралыгында мәктәптә өлкәннәр ункөнлеге булып узачак. Шушы ункөнлек кысаларында 3нче октябрь көнне 5 класс укучылары белән “ Олыласаң олыны-олыларлар үзеңне” дип аталган класс сәгате үткәрелде.

Балаларда фәнгә карата кызыксыну уяту кечкенә класслардан ук алып барылырга тиеш. 4 нче октябрь көнне,1 класс укучылары,класс җитәкчеләре Диләрә апалары җитәкчелегендә география-биология кабинетында “кунакта” булдылар. Алар белән география укытучысы Илнар Шәйхенурович “ Тау токымнары һәм аларны куллану” дигән темага практик дәрес үткәрде. Балаларга тау токымнары коллекциясе күрсәтелде,аларның килеп чыгышы һәм кулланылышы турында сөйләнелде. 

Юлда бааларның юл йөрү куркынычсызлыгын тәэмин итү максатыннан, 26 нчы сентябрь көнне 5 класс укучылары белән “ Юлда булсаң-бул өлгер!” дип исемләнгән класс сәгате үткәрелде. Класс җитәкчеләре Илнар Шәйхенурович балаларга юл йорү кагыйдәләре, аларны төгәл үтәргә кирәклеге турында аңлатты, укучылар белән фикерләште.

Балаларга хезмәт тәрбиясе бирү-тәрбия процессының аерылгысыз өлеше булып тора. Бу көннәрдә укучылар мәктәп бакчасында көзге уңышны җыеп алу белән шөгыльләнәләр. Бәрәңге,суган,кишер һәм кызыл чөгендер культуралары җыйналып, саклауга төшерелде.

Сентябрь ае терроризмга каршы көрәш айлыгы.Шул уңайдан балалар арасында аңлату эшләре алып бару өчен, 3 нче сентябрь көнне, 5 класс укучылары белән “ Терроризм-җәмгыятькә куркыныч тудыручы” дип аталган класс сәгате үткәрелде

Экология конендә балалар чишмәгә барып якын-тирә территориясен чистарттылар, чәчәклэр белән бизәделәр. Кичке якта чишмә янында алган тәэсирләрен альбом битенә төшерделәр.

Лагерь ачылу тантанасында балалар узләренен һөнәрләрен күрсәттеләр.

Чыгарылыш класслары өчен бүген мәктәп кыңгыравы соңгы мәртәбә чыңлады. Шатлыклы да, сагышлы да бу бәйрәмдә 9 һәм 11 класс укучылары белем алган мәктәпләренә рәхмәт хисләрен җиткерергә ашыктылар. Бу уку елында 20 укучы 9 классны, 2 укучы 11 классны тәмамлый. Алда аларны дәүләт имтиханнары көтә. Уңышлар юлдаш булсын сезгә, кадерле укучыларыбыз! 

27 нче апрель көнне геология фәне буенча үткәрелгән ташлардан төрле эшләнмәләр конкурсында 10 класс укучысы Фатихова Ләйлә “ Что в образе тебе моём” номинациясендә 2 нче урынны яулады.Аны чын күңелебездән котлыйбыз,киләчәктә дә иҗади уңышлар теләп калабыз.

Бәйрәм хисе бүген күңелдә. 26 апрель - бөек шагыйребез Г.Тукайның туган көне, туган тел көне. Инде бик күп еллардан бирле халкыбызда матур традициягә әйләнеп киткән шигырь бәйрәме безнең мәктәбебездә дә үткәрелде. 5,7 нче класс укучылар көче белән әзерләнгән “Тукай безнең күңелләрдә” дип исемләнгән әдәби-музыкаль кичә тантаналы төстә үтте.