Күңелле Сабан туйлары,

Бүген бәйрәм, зур бәйрәм

Матур җырлар җырлый-җырлый

Уйныйбыз әйлән-бәйлән!

Татар халкының милли бәйрәме - Сабан туйлары җитә. Шул хөрмәттән без үзебезнең балаларыбызны, әти-әниләребезне һәм кунакларыбызны иртәгә, 29.06.2015көнне, үткәреләчәк Сабантуе мәйданына кунакка чакырып, көтеп калабыз. Бәйрәмнәр белән барчабызны да!!!

 Зур тормышка тәүге адым - бакчалардан башлана. Истәлекле һәм дулкынландыргыч бу мизгелләр бик матур итеп оештырылган концерт номерлары белән алып барылды. Тәрбияче апалары белән балалар сәяхәткә баралар. Сәяхәтнең һәрбер тукталышында балалар  могъҗизалы утрауга эләгә. Утрауларда песи баласы, "2" ле саны белән аның кызы Надания - балаларны сынады һәм аларның мәктәпкә әзер булуларын исбатлады. Төркем балалары җыр- биюгә, нәфис сүзгә оста булуларын да күрсәтте.

Соңгы тукталыш аеруча истәлекле булды, төркемнең тәрбияче апалары, бакчабыз мөдире һәм барлык килгән әти-әниләр, кунаклар үзләренең җылы теләкләрен теләде, бүләкләр өләште.

       Балаларыбыз шат күңелле, уңган, тәүфикълы булып үссеннәр, зурларга ихтирам белән карап, кечкенәләрне хөрмәт итсеннәр. Уңышлар сезгә!!!

Бүген бакчабызның уртанчылар, зурлар һәм мәктәпкә әзерлек төркеме Актанышыбызның нәкъ үзәгендә урнашкан Җиңү паркына экскурсиягә бардылар.

9 май Бөек Җиңүнең 70 еллыгы уңаеннан  "МААМ.РУ" сайты үткәргән "Мы за мир" конкурсында безнең балалар бакчасының 2 нче кечкенәләр төркеменә йөрүче Басыйрова А. катнашып сертификатка ия булды. Җитәкчесе Аглямова М.В. Бу уңышлары белән чын күңелебездән котлыйбыз!

Сугыштан соң бик күп сулар акты,

70 тапкыр җиргә ямьле яз килде

70 тапкыр язгы май кояшы

Назлы, җылы нурларын сипте!

Язлар җитте. Табигатьтә кабат язлар җитте. Күкләр аяз,  якты кояш балкый, табигать яңадан туган сыман тормышка сөенә, кошлар да үзләренең моңлы тавышы белән бәйрәмчә, күтәренке итеп җырлый. Әйе, чыннан да нәкъ менә 70 ел элек 9 май көнендә шушы матур яз ае алып килә безгә Бөек Җиңү бәйрәмен. 

Сугыштан соң бик күп сулар акты,

70 тапкыр җиргә ямьле яз килде,

70 тапкыр язгы май кояшы

 Назлы, җылы нурларын сипте! 

Бүген безнең матур бәйрәмебезгә, сугыш башланганда сабый булып калган, ветераныбыз Муллахметова Тәрҗемә Ситдик кызын кунак итеп чакырдык.  Ул үзенең балачак истәлекләрен сөйләде, сугыштан соңгы ачлык елларын искә алды. Андый авыр көннәр җиребезгә беркайчан да килмәсен, балаларыбыз һәрвакыт шат куңелле, бәхетле булып яшәсеннәр иде. Кукләребез аяз, дөньялар тыныч булсын, балаларыбызның шат авазлары бервакытта да тынмасын иде дип үзенең изге теләкләрен җиткерде.

Апрель ае  бөек шагыйребез Габдулла Тукай туган көне белән истә кала торган ай.  Шул исәптән "Яшьлек" мәдәни үзәгендә Тукай шигырьләрен уку оештырылды. Безнең бакчабыздан да балалар катнашты. Нуриева Ләйлә "Кошларга", Закирова Камилә "Эшкә өндәү" шигырьләрен тәкъдим иттеләр. Киләчәктә дә аларга уңышлар телибез!

Апрель ае бөек Тукаебыз туган ай икәнен бакчабызга йөргән һәр бала белә. Аның әкиятләрен яратып тыңлыйлар, карыйлар һәм дә ки ясыйлар. Группаларда "Без - Тукай оныклары" дип исемләнгән  рәсем күргәзмәләре ясалды. Балалар әти-әниләре белән бергә ясаган рәсемнәрен бик теләп алып килделәр. Афәрин!

Бөек Җиңүнең 70 еллыгы уңаеннан группаларыбызда махсус почмаклар булдырылды. Әти-әниләр белән балалар бергәләп эшләгән рәсем күргәзмәсе дә биредә урын алды.

Бүген бакчабыз коллективы район мәдәният йортында үзәк балалар бакчалары  коллективы белән берлектә үткәрелгән смотр концертында катнашып уңышлы чыгыш ясадылар.