2 нче кечкенәләр төркеме март аенда туган балаларны котлап кечкенә генә концерт оештырдылар. Туган көнегез котлы булсын!!!

зурлар төркеме һәм мәктәпкә хәзерлек төркеме балалары Абдулла Алишның "Койрыклар" әкиятен матур итеп сәхнәләштерделәр. Кунак булып кергән калган төркем балалары зурлап кул чабып, рәхмәт әйтеп чыгып киттеләр.

"Мини Мисс-2015" конкурсының беренче туры үткәрелде, әлеге бәйгедә уртанчылар төркеменнән Ахметзянова Айзилә, зурлар төркеменнән Халилова Айназ, Фаррахова Ленара, мәктәпкә хәзерлек төркеменнән Нуриева Ләйлә һәм Мисбахова Камилла катнаштылар. Кызларыбызга киләчктә уңышлар теләп калабыз!

Янгын куркынычсызлыгы кагыйдәләрен тагын бер кат искә төшердек.

Әле кечкенә генә булуларына карамастан 1 кечкенәләр А төркеме тамашачылар җыеп "Йомры икмәк" әкиятен сәхнәләштерделәр.Киләчәктә дә уңышлар теләп калабыз нәни артистларыбызга.

бүген 2 кечкенәләр төркеме "Кәҗә бәтиләре һәм бүре" әкиятен сәхнәләштереп күрсәттеләр. Әти-әниләр тырышлыгы белән киемнәр каралды, маскалар әзерләнде. Балалар рольләрне матур итеп башкардылар.

 Ягымлы һәм тыйнак,усал һәм сөйкемле,

Моңсу да, гүзәл дә – алтын көз шикелле.

Үзгәрми яшәгез ,тормыштан тәм табып,

Яраткан хезмәттән  яшәргә дәрт алып.

Ходайдан бирелгән гомерегез ул булсын,

Башлаган эшегез һәрвакыт уң кылсын.

Сөю һәм сәгадәт  үтмәсен  читләтеп,

Телибез нык саулык, исәнлек, зур бәхет.

Беренче кечкенәләр В төркеме бүген кечкенә тамашачыларына үзләре сәхнәләштергән "Шалкан" әкиятен тәкъдим иттеләр. Каюмов Булат автор булып әкиятне башыннан азагына кадәр сөйләп башкарып чыкты. Балалар бик матур маскалар киеп рольләрен кызыклы һәм матур итеп уйнап чыктылар.

Беренче кечкенәләр В төркеме белән 8 март - әниләр бәйрәме уздырылды. Балалар үзләренең  матур чыгышларын әниләргә бүләк иттеләр. Бәйрәмдә әниләр дә үзләренең осталыкларын күрсәттеләр. Әниләр арасында үткәрелгән кул эшләренә урннар чыгарылды.