Бүген бакчабызда Өлкәннәр ункөнлеге уңаеннан Дәү әтиләр, Дәү әниләргә багышланган шигырь конкурсы булды. Балалар бик матур шигырьләр өйрәнеп килгәннәр, бик теләп катнаштылар. Җиңүчеләргә мактау грамоталары тапшырылды.

Хөрмәтле балалар бакчалары хезмәткәрләре! Сезне чын күңелдән укытучылар көне белән тәбриклибез!  Авыр да, мактаулы да эшегездә уңышлар, сабырлык, ныклы сәламәтлек, гаиләләрегезгә тынычлык, тигезлек, бәхет телибез!

Бүген Яңа Әлем балалар бакчасында өлкәннәр көненә багышланган бәйрәм иртәсе булды. Балалар дәү әтиләренә, дәү әниләренә концерт куйдылар, үз куллары белән ясаган бүләкләрен тапшырдылар. Шулай ук без дә бакчада эшләп, лаеклы ялга чыккан өлкәннәребезне хөрмәтләдек.

3 сентярьдә кече тәрбияче Инсия Хазиахметованың, 1 октябрьдә тәрбияче Лилия Султанованың 50 яшьлек юбилейлары булып үтте. Аларны шушы олы бәйрәмнәре белән чын күңелебездән тәбрик итәбез. Аларга киләчәктә сәламәтлек, бәхетле озын гомер, җан тынычлыгы теләп калабыз!

Мәктәпкә әзерлек, зурлар төркеме балалары бүген көзге урманга экскурсиягә бардылар. Көзге табигатьнең матурлыгына сокланып, хәрәкәтле уеннар уйнап, рәхәтләнеп күңел ачып кайттылар.

Бакчабызга Актаныш район хастаханәсеннән табиплар килеп, балаларның сәламәтлек торышларын тикшереп, Манту пробасы куеп киттеләр.

Бүген балалар бакчасында балаларны юл йөрү кагыйдәләренә өйрәтү буенча чара үткәрелде. Анда ЮХИДИ фонды директоры Рәсимә Заһит кызы Сәетова, телевидение хезмәткәрләре чакырулы иде. Рәсимә Заһит кызы балаларга һәм бакчага бик күп файдалы методик әсбаплар тапшырды. 

Бүген бакчабызда белем бәйрәме. Яңа уку елында балаларга, ата-аналарга, тәрбиячеләргә уңышлар, яңадан-яңа үрләргә ирешүләрен теләп калабыз. Бәйрәм белән барыгызны да!

Бүген без район үзәгендә үткән чәчәк бәйрәмендә Габдулла Тукайның "Кисекбаш" әсәренә иллюстрация белән катнаштык һәм мактаулы 2 урынга лаек булдык. "Өй алдыбыз - гөлбакча 2016" чәчәклекләр конкурсында да 2 урын безнеке!

Бу көннәрдә бакча хезмәткәрләре 29 августта булачак чәчәк бәйрәменә әзерлек эшләре алып баралар.