Полосадагы агачларны агарту өмәсенә чыктык.

Юл бендагы полосаны ботаклардан чистарту өмәсенә чыктык.

      Бүген балалар бакчасында уртанчы - 2 кечкенәләр төркеме балалары "Карга боткасы" бәйрәме үткәрделәр.     

            Җиребезгә язлар җиткәч,

            Кошлар кайткач ерактан,

           “Карга боткасы” пешергән

            Халкыбыз чын йөрәктән.

            Бу бәйрәм безнең көннәргә

            Килгән гасырлар үтеп.

            Каргалар да,бездә аны

            Һәр ел алабыз көтеп.

Мәктәпкә әзерлек төркеме балалары бүген бөек шагыйребез Габдулла Тукайның туган көненә багышланган бәйрәм иртәсе оештырдылар. Бәйрәмдә Тукайның шигырь-әкиятләреннән бик күп геройлар катнашты. Балаларга бәйрәм бик ошады.

Бүген балалар бакчасы коллективы бакча территориясен һәм юл буен чүп-чардан арындыру өмәсендә катнашты.

Балаларга юл хәрәкәте билгеләрен, кагыйдәләрен искә төшерү, ныгыту; балаларда мөстәкыйльлек, ярдәмчеллек хисләре тәрбияләү; урамда үз-үзләрен тоту кагыйдәләренә өйрәтү максатыннан балалар бакчасында зурлар төркеме балалары һәм ата-аналары катнашында "Юл билгеләре иленә сәяхәт" дип аталган бәйрәм иртәсе үткәрелде. Бәйрәм иртәсе кунагы -  ЮХИДИ фонды директоры Р.З. Сәетова балаларга юл йөрү кагыйдәләренә өйрәтүче китаплар, брошюралар бүләк итте.

Бүген балалар бакчасында "Кошлар көне" билгеләп үтелде. Балаларның кышлаучы һәм җылы якка очучы кошлар турында белемнәре сыналды һәм ныгытылды. Бәйрәмне "Нарасый" төркеме балалары белән тәрбиячеләр Максутова Ләйсән һәм Мирзасалихова Лилия оештырдылар.

Бүген балалар бакчасына сәнгать мәктәбенең баян классы укучылары кунакка керделәр. Алар баянда төрле көйләр уйнап күрсәттеләр. Җитәкчеләре Флүн Камалов балаларны баян серләренә өйрәнергә чакырды. Балалар бик кызыксынып тыңлап утырдылар.

Җәйге сезонга әзерлек башланды. Балалар бакчасы участогына утыртырга чәчәк үсентеләре үстерәбез.

Тәрбиячеләрнең тәрәзә төпләрендәге "тәҗрибә участоклары" гөрләп үсә. Урамда кар булуга карамастан, балалар табигать уянганын күзәтеп хозурлана.