22 январь көнне Яңа Әлем балалар бакчасында ЮХИДИ фонды җитәкчесе Сәетова Р.З., Яңа Әлем кустына караган балалар бакчалары тәрбиячеләре һәм методистлары, Актаныш-FM радиосы диктор-корреспонденты Рәшитова Ф.Ш., телерадиокомпания диктор-корреспонденты Хөҗҗәтова Г.И. катнашында мәктәпкә әзерлек төркеме балалары һәм ата-аналарының "Сез юлда йөри беләсезме?" исемле күңел ачу чарасы һәм зурлар төркеме балаларының "Бүре, кәҗә бәтиләре һәм юл билгеләре" дип аталган күңел ачу чарасы үткәрелде. ЮХИДИ фонды җитәкчесе Сәетова Р.З. Яңа Әлем балалар бакчасына "Юл йөрү куркынычсызлыгын актив пропагандалаган өчен" ГБУ "Юл йөрү куркынычсызлыгы" дипломын тапшырды, балаларга юл йөрү кагыйдәләренә өйрәтүче китаплар, блокнотлар, пазллар тапшырды.

5 январь көнне без мәгариф хезмәткәрләренең кышкы спартакиадасында катнаштык. Аркан тарту ярышында 3 урынга лаек булдык. 

Бакча хезмәткәрләре авыл тормышындыгы вакыйгалардан да читтә калмый. Яңа ел бәйрәменә багышланган чараларда да кызларыбыз актив катнашты.

Бк көннәрдә төркемнәрдә чыршы бәйрәмнәре гөрләп үтте. Берсеннән-берсе кызыклырак, мавыктыргыч бәйрәм иртәләре, әкият геройлары, күчтәнәч тулы капчыгы белән кыш бабай...Тәрбияче апаларны гына түгел, эти-эниләрне дә җәлеп итү чыршы бәйрәмнәрен тагын да кызыклырак итте.

Төркем бүлмәләрен бизәп куйгач, бакчабызга бәйрәм рухы керде.

Төркемнәрдә ата-аналар арасында төрле кул эшләренә: дидактик кулланмалар - лэпбуклар, бармак театры персонажлары һ.б. ясау буенча конкурс игълан ителде. Конкурска йомгаклау, урын чыгару 25,26 декабрьдә булачак.

Республика буенча узган "Буду бдительным на льду и на воде" иҗади эшлэр конкурсының район этабында мәктәпкә әзерлек төркеменнән Газизова Ралинаның (тәрбиячеләре Султанова Л.Х., Әгъләмова Ф.Н.) рәсеме мактаулы 3 урынга лаек булды.

Мәктәпкә әзерлек төркеме (Султанова Л.Х., Аглямова Ф.Н.) Абдулла Алишның "Сертотмас үрдәк", зурлар төркеме (Закирова Ф.Ө., Идрисова А.Н.) Абдулла Алишның "Куян кызы", уртанчылар төркеме (Максутова Л.Р.) "Кем нәрсә ярата" әкиятләре белән "Сәйяр" Республикакүләм театр фестиваль-конкурсында катнашып, лауреат исеменә лаек булдылар. Аларга киләчәктә дә уңышлар телибез.

"Все краски жизни для тебя" кул эшләре конкурсында "Бумажная пластика" номинациясендә безнең балалар  бакчасыннан Миннегалиева Рәйләнең эше (тәрбиячесе Максутова Л.Р.) мактаулы 2 урынга лаек булды.

Әниләр көне уңаеннан игълан ителгән районкүләм "Все краски жизни для тебя" конкурсында безнең бакча балалары да актив катнашты. Бакча турында җиңү яулаган эшләр район турына җибәрелде.