Бакчабызга Актаныш район хастаханәсеннән табиплар килеп, балаларның сәламәтлек торышларын тикшереп, Манту пробасы куеп киттеләр.

Бүген балалар бакчасында балаларны юл йөрү кагыйдәләренә өйрәтү буенча чара үткәрелде. Анда ЮХИДИ фонды директоры Рәсимә Заһит кызы Сәетова, телевидение хезмәткәрләре чакырулы иде. Рәсимә Заһит кызы балаларга һәм бакчага бик күп файдалы методик әсбаплар тапшырды. 

Бүген бакчабызда белем бәйрәме. Яңа уку елында балаларга, ата-аналарга, тәрбиячеләргә уңышлар, яңадан-яңа үрләргә ирешүләрен теләп калабыз. Бәйрәм белән барыгызны да!

Бүген без район үзәгендә үткән чәчәк бәйрәмендә Габдулла Тукайның "Кисекбаш" әсәренә иллюстрация белән катнаштык һәм мактаулы 2 урынга лаек булдык. "Өй алдыбыз - гөлбакча 2016" чәчәклекләр конкурсында да 2 урын безнеке!

Бу көннәрдә бакча хезмәткәрләре 29 августта булачак чәчәк бәйрәменә әзерлек эшләре алып баралар.

Бакча хезмәткәрләре төп эшләреннән тыш "Башак" ҖЧҖ енә дә булышырга өлгерәләр. Бу көннәрдә кызларыбыз амбар алдында ашлык иләү, амбар алдын себерү-чистарту эшләрендә катанашалар.

Балалар комлыкта уйнарга бик яраталар. Комлыкта балалар бер-берсе белән аралашырга, килешеп, бүлешеп уйнрага өйрәнәләр. Кайнар ком сәламәтлекләре өчен дә бик файдалы.

Бу көннәрдә кызларыбыз бакча территориясендә чия җыю белән шөгыльләнәләр. Чияне кыш көне балаларга компотка салып бирәбез, тәмле дә, файдалы да.

Бакчабызның тәҗрибә участогында тәрбиячеләр балалар белән берлектә төрле яшелчә культуралары үстерәләр. Балалар кечкенәдән үк яшелчәләрнең өстәлгә кайдан килгәнлеген белеп, аларны үстерү серләренә төшенеп үсәләр. 

Бүген авылыбызда "Ак калфак" Бөтенрәсәй татар хатын-кызлары оешмасы форумы булды. Балалар бакчасы коллективы һәм балалар белән форум кунаклары каршыладык. Балаларны ничек, нинди юллар белән халкыбызның гореф-гадәтләре, бәйрәм-йолалары, бай мирасы белән таныштыру, аңлатуыбызны күрсәттек, аңлаттык.