Өлкәннәр коне уңаеннан балалар бакчасында балаларның әби-бабалары һәм коллективыбызның өлкәннәре катнашында бәйрәм иртәсе үткәрелде. Балалар аларга үзләренең матур җыр-биюләрен, шигырьләрен бүләк иттеләр. Өлкәннәребезгә күчтәнәч пакетлары тапшырылды.

21-28 сентябрь - "Юлда балалар куркынычсызлыгы" атналыгы. Атналык кысаларында балалар белән юл йөрү кагыйдәләрен өйрәнү һәм ныгыту буенча әңгәмәләр үткәрергә, юл йөрү темасына уеннар уйнау, эшчәнлекләр үткәрү, ата-аналарга инструктаж үткәрү һ.б. планлаштырылган. Шул уңайдан балалар урамдагы юл билгеләренең нәрсә аңлатканын өйрәнделәр.

Мәктәпкә әзерлек һәм зурлар төркемнәре балалары бүген көзге табигатькә экскурсиягә чыктылар.

Бакча хезмәткәрләре бүген бакчада кишер, чөгендер алу белән мәшгуль. Балаларга экологик чиста яшелчәләр базга урнаштырылды.

Безнең балалар бакчасы "Өй алдыбыз гөлбакча -2017" район бәйгесендә авыл җирлекләрендәге оешмалар арасында 3 урын яулады. Афәрин!

Бүген бакчабызда белем бәйрәме.

"Бакча" дигән белем бишегендә,

Тукай моңнарына тибрәлеп,

Тәрбияле булып үссен һәркем

Белем серләренә өйрәнеп.

"Хәрәкәттә бәрәкәт" дигән әйтемнең мәгънәсен балалар бик яхшы беләләр.

Бүген тәрбиячебез Султанова Лилия Хәбирҗан кызы  яшь буынны укыту һәм тәрбияләүгә керткән зур өлеше, күпъеллык намуслы хезмәте өчен Татарстан Республикасы фән һәм мәгариф министрлыгының Мактау грамотасы белән бүләкләнде!

Театр уеннарын балалар бик яраталар. Бүген тәрбияче Идрисова А.Н. күп төрле театр уеннары арасыннан балаларны өстәл театры ("Шалкан" әкияте) белән шатландырды.

Бакчабызда балалар бик күңелле яшиләр. Җәй дәвам итә. Балалар табигать, кояш энергиясе алып калырга ашыгалар. Саф һавада хәрәкәтле уеннар балаларның сәламәтлеге өчен бик файдалы.