Бүген мөдир Әгъләмова Р.Х. Актаныш районы 4 нче санлы балалар бакчасында балалар бакчалары мөдирләре пленар утырышында булды. 

Бүген тәрбиячеләребез Актанышның 2 нче санлы балалар бакчасында секцион утырышта катнашалар. Закирова Фирүзә Өлфәт кызы "Мәктәпкәчә яшьтәге балаларны театральләшкән уеннар аша икетеллелеккә өйрәтү" темасына презентация белән чыгыш ясады. 

Бүгеннән балалар бакчасы җәйге ялга киткән һәм яңа балаларны җыеп,4 төркем булып эшли башлады. Балаларга һәм хезмәткәрләргә уңышлар һәм сәламәтлек телибез.

Бу көннәрдә балалар бакчасы хезмәткәрләре участокта косметик ремонт эшләү белән шөгыльләнделәр.

Хезмәттәшләребез авыл тормышындагы вакыйгалардан да читтә калмыйлар. Гөрләп үткән авыл сабантуйларын оештыруда да кызларыбыз актив катнашты.

Юл буена печән чабу өмәсенә чыктык.

Балалар иминлеген саклау турында ата-аналар белән сөйләшүләр даими булып тора. Җәйге чорга да барлык балаларның ата-аналаына инструктаж үткәрелеп, имзалары алынды. Балаларны өйдә үзләрен генә калдырмау, тәрәзәдән егылу очракларын булдырмау, янгын куркынычсызлыгы, сулыкларга ялгыз җибәрүне булдырмау һ.б. турында аңлату эшләре алып барылды.

Балалар бакчасында комлыкта дуслар белән уйнау балачакның иң күңелле мизгелләреннән берсе.

Бу көннәрдә бакча хезмәткәрләре яшелчәлектә кишер, чөгендерләрне сирәкләү белән мәшгуль булдылар.

Балалар бакчасында җәйге чорда барысы ике төркемдә 36 бала йөри. Бакчада җәйге режим-расписание, җәйге сәламәтләндерү планы нигезендә эш оештырыла.