Гимназиянең тарих һәм җәмгыять белемнәре укытучысы Мирзаянов Азат Фәрит улы Бөтенроссия "Педагогик солянка" конкурсында катнашып "Электрон мәгариф ресурслар" номинациясендә II нче дәрәҗә дипломга ия булды.

14 нче декабрь көнне гимназиянең яшь инспекторлар отряды ЮХИДИ хезмәткәрләре Имамразыев Илдус һәм Саетова Рәсимә белән очрашуда катнаштылар. Балалар кунакларга “Юлларда бул син уяу” темасы астында театральләштерелгән сәхнә күренешен тәкъдим иттеләр. Шулай ук, ЮХИДИ хезмәткәрләре белән җанлы әңгәмәдә катнашып, бик кызыклы мәгълүматлар алдылар. Укучылар "Сорау-җавап" уенында катнашып, ЮХИДИ хезмәткәрләренең бүләкләренә дә ия булдылар. 

II Республикакүләм "Аксаков укулары - 2012" укучыларның фәнни-эзләнү һәм иҗади эшләр конкурсында гимназия укучылары Әхмәтшин Данил - 1 нче дәрәҗә дипломга (укытучысы Шагзамова Э.Ф.), Абдуллина Айсылу - 1 нче дәрәҗә дипломга (укытучысы Сәрвәрова И.А.) ия булдылар. Афәрин!

Республикакүләм татар әдәбияты буенча олимпиаданың муниципаль этабында гимназиянең 9б класс укучысы Галиева Алинә - җиңүче, 9а класс укучысы Шәкүрова Гөлназ призер булды. Җиңүчеләрнең укытучылары - Әһлетдинова Ландыш Филүс кызы. Котлыйбыз!

Республикакүләм татар теле буенча олимпиаданың муниципаль этабында гимназиянең 9б класс укучысы Исламова Ләйлә, 10 нчы класс укучысы Шәвәлиева Гүзәл (фотода) - җиңүчеләр, 11 нче класс укучысы Валькова Алена призер булдылар. Җиңүчеләрнең укытучылары - Әминова Ләйсән Галиәкбәр кызы. Котлыйбыз!

Бөтенрәсәй рус әдәбияты буенча олимпиаданың муниципаль этабында гимназиянең 9а класс укучылары Әхмәтшин Данил һәм Шәйхин Айдар призер булдылар. Җиңүчеләрнең укытучылары - Шагзамова Энҗе Фирдәвес кызы. Котлыйбыз!

Кичә, ягъни 12 нче декабрь көнне, 11 нче класс укучылары Актанышның 2 нче санлы мәктәбендә информатика буенча БДИ биреп карадылар. Гимназиядән имтиханда 5 укучы катнашты.

11 нче декабрь көнне Казан шәһәрен "Корстон" үзәгендә Татарстан Республикасы Инвестицион-венчур фонды тарафыннан үткәрелгән "Татарстан Республикасы өчен иң яхшы 50 инновацион идеяләр" конкурсының җиңүчеләрен котладылар. "Мәгарифтәге инновацияләр" номинациясендә гимназия-интернатның "Мирасыбыз" интернет-проекты җиңүче дип табылды һәм 50 мең сумлык грантка ия булды. Чарада гимназиянең директоры Ләйсән Фоат кызы Нурлыева катнашты.

Татарстан Республикасы Мәгарифне үстерү институты игълан иткән "Рус теле атналыгы" Республикакүләм фәнни-методик форум кысаларында гимназиядә түбәндәге чаралар үтә:

13 нче декабрь - "Рус телендә аралашу көне",

14 нче декабрь - "Рус телендә дөрес язу көне",

15 нче декабрь - "Рус әдәбияты сөючеләре көне".

Бөтенрәсәй химия фәне буенча олимпиаданың муниципаль этабында гимназиянең 8а класс укучылары Анамова Диләфрүз, Минниярова Элина, 9б класс укучысы Надергулов Марат  призер булдылар. Җиңүчеләрнең укытучылары - Гарипова Рүзилә Илдар кызы. Котлыйбыз!