“Аҗдаһа елы үтмәде,

Дөньялар да бетмәде,

Андый имеш-мимешләрне

Еланнан да көтмәле”, дип исемләнгән бәйгедә бүген Актанышның Үзәк чыршысы янында оешма – предприятиеләрдән барысы 11 команда үзара көч сынашты.

Кыш Бабай, Кар кызы, елның төп каһарманнары - Аҗдаһа һәм Елан, башка төр геройлар катнашындагы җыр-биюле номерларны карап, тамашачылар күңел ачты, шаярды-көлде. Халык, ил, район тормышындагы проблемаларны яктырткан чыгышларны аерата алкышлап кабул итте.

Бәйге нәтиҗәләренә килгәндә, гимназиянең чыгышы 2 нче урынга лаек дип табылды.

Биредә үк район үзәгендә бәйрәмгә әзерлек уңаеннан ясалган кар сыннарына да йомгак ясадылар. Иң зәвыклы кар сыны” номинациясендә җиңүче дип Актаныш гуманитар гимназиясе сыннары табылды.

Яңа 2013 нче ел белән, кадерле дуслар!

20 нче декабрь көнне гимназия-интернат базасында аерым фәннәр буенча БДИ тьюторлары өчен зональ семинар узды.

21 нче декабрь көнне гимназиядә укучылар арасында "Гаиләм шәҗәрәсе - 2012" фәнни-эзләнү конференциясе узды. 1 нче дәрәҗә диплом белән Дәүләтов Фаил (3 нче кл.), Латыйпова Ләйсән (6 нчы кл.), Сәләхова Айсинә (7 нче кл.) бүләкләнделәр. 2 нче дәрәҗә диплом ияләре: Хаев Альберт (3 нче кл.), Фарсыева Энҗе (6 нчы кл.), Шәйхуллина Фирүзә (9 нчы кл.), 3 нче дәрәҗә диплом ияләре: Аграпов Денис (4 нче кл.), Шәрифуллина Алия (5 нче кл.), Нуруллин Азат (7 нче кл.), Әхмәтшин Данил (9 нчы кл.). Җиңүчеләрне котлыйбыз!

21 нче декабрь гимназия-интернатта тарих һәм җәмгыять белеме укытучыларының районкүләм семинары узды.

18 нче декабрь көнне “Олимпиадага бездән сәлам!” сәламәтлек театры коллективларының республика бәйгесенең район этабында гимназия укучылары 2 нче урынга лаек булдылар.

Гимназиянең 9б класс укучысы Минһаҗев Аяз (укытучысы Сибгатуллин Р.Т.) Яр Чаллы шәһәрендә узган регионара "Балачак дөньясы" конкурсының "Табигый материаллар белән эшләү" номинациясендә катнашып 3 нче дәрәҗә дипломга ия булды.

Бүген гимназиядә Татарстан Республикасы Дәүләт Советының мәдәният, фән, мәгариф һәм милли мәсьәләләр Комитеты рәисе, депутат, Татарстанның халык шагыйре, Татарстан Республикасының Г.Тукай исемендәге Дәүләт премиясе лауреаты Разил Исмәгыйль улы Вәлиев булып китте. Ул 7-9 нчы класс укучылары белән очрашты.

17 нче декабрь көнне "Созвездие-Йолдызлык - 2013" эстрада фестиваленең район туры финалы узды. Җиңүчеләребезне чын күңелдән котлыйбыз. Менә алар:

Гимназиянең Бөтенроссия фән олимпиадаларының муниципаль этабында җиңүче укучылары бу көннәрдә Казан шәһәрендә КФУ базасында олимпиадаларның республика турына әзерләнәләр. Галимнәр җитәкчелегендәге курслар бер атна дәвам итәчәк.