17 нче гыйнвар көнне Татарстан Республикасы Гражданнар оборонасы эшләре һәм гадәттән тыш хәлләр министрлыгы Актаныш бүлеге тарафыннан гимназиянең эвакуацион кабул итү пункты буларак өзерлеге тикшерелде. Шул ук вакытта гадәттән тыш хәлләр очрагында эшчәнлек буенча укулар узды.

Бүген укучылар арасында гер спорты буенча район беренчелеге узды. Гимназия укучылары Салихов Илназ, Дәүләтов Данис - 3 нче, Минһаҗев Аяз - 1 нче урынны яуладылар. Гимназия командасы 3 нче урынны яулады. Афәрин!

Иртәгә, ягъни 18 нче гыйнвар көнне, гимназиядә 2013 нче елда үтәчәк дәүләт йомгаклау аттестациясенә багышланган ата-аналар җыелышы узачак.  Җыелышта район мәгариф бүлеге җитәкчеләре дә катнашачак. Башлана 17 сәгатьтә.

Бүген 11 нче класс укучылары БДИга әзерлек кысаларында математика фәне буенча интернет-тестированиеда катнашалар. Тест 1 сәгать 30 минут дәвам итә. Үтү вакыты 8.00 - 10.00 һәм 13.00 - 16.00.

Бу атнада гимназиядә математика, физика һәм информатика фәннәре атналыгы бара. Атна кысаларында ачык дәресләр һәм бик күп төрле чаралар үткәреләчәк.

Бүген 11 нче класс укучылары БДИга әзерлек кысаларында рус теле фәне буенча интернет-тестированиеда катнашалар. Тест 1 сәгать 30 минут дәвам итә. Үтү вакыты 8.00 - 10.00 һәм 13.00 - 16.00.

Бөтенроссия инглиз теле буенча олимпиаданың региональ этабы нәтиҗәләре буенча гимназия-интернат укучысы Валькова Алена (укытучысы Лилия Флүн кызы Тимирова) призерлар арасына керде. Котлыйбыз сине, Алена!

3а класс укучылары Салахова Ильвина, Вәлиева Альбина, Вәлиева Алинә һәм Фәрдиева Алисә "Уникум" проекты уздырган "Веселая математика" II Бөтенроссия дистанцион марафонда катнашып, II нче дәрәҗә дипломнар белән бүләкләнделәр.

Кичә гимназиядә педсовет узды.

Кичә Актанышның 1 нче мәктәп базасында гимназиянең барлык чыгарылыш класс укучылары да рус теленнән БДИ да катнаштылар.