13 ноября начался муниципальный этап Всероссийской олимпиады школьников. По итогам районного этапа Всероссийской олимпиады школьников по русскому языку 5 учеников  стали победителями: 5 класс - Гилаев Айнур (учитель Шагзамова Э.Ф.),  7 класс – Валиева Нафиса (учитель Шагзамова Э.Ф.),  8 класс – Валиева Альбина (учитель Шарафутдинова Р.К.), 10 класс – Шагзамова Алиса (учитель Шагзамова Э.Ф.), 11 класс – Миргаязова Резеда (учитель Шагзамова Э.Ф.). Призерами стали: 5 класс – Усманова А., Зарипова А. (учитель Шагзамова Э.Ф.), 6 класс - Татыева Амалия, Асадуллина Алсу (учитель Шарафутдинова Р.К.), 10 класс – Гайнутдинова Тансылу (учитель Саматова Г.Д.). Поздравляем! Молодцы!

Көзге каникуллардан килү белән, икенче чирекнең беренче атнасында, гимназия укучылары арасында  өстәл теннисы буенча ярышка йомгак ясалды. 

Икенче чирекнең беренче атнасыннан фән олимпиадаларының муниципаль этабы старт алды. Ул җомга көнне гарәп теле фәне белән башланып китте. Әлеге олимпиадага гимназиядән 4 укучы катнашты. Барлык укучыларга да уңышлар телибез!

Әлмәт шәһәрендә “Кулланучылар хокукларын яклау буенча” Республикакүләм олимпиаданың финал өлеше булып узды. Гимназиянең 10 нчы  классс укучысы Нуртдинов Данир әлеге бәйгедә “Кулланучылар хокукларын өйрәнергә омтылучы” номинациясендә җиңү яулады (җитәкчесе Абдуллина Миләүшә Мәгъсүм кызы). Котлыйбыз!

Татарстан Республикасы гадәттән тыш хәлләр министрлыгының Актаныш районы бүлекчәсе катнашында, гимназия-интернатта янгын куркынычсызлыгы өйрәнүләре үткәрелде. Интернат өлешендә яшәүче балалар, тәрбиячеләре җитәкчелегендә эвакуацияләнде, район янгын сүндерү оешмасы килеп, шартлы рәвештә булдырылган янгынны сүндерде. Соңыннан, актлар залында, гадәттән тыш хәлләр җитәкчелеге тарафыннан, янгын вакытында үз-үзеңне һәм балаларны саклау буенча лекция укылды.

Көзге каникулның беренче көннәрендә, гимназиянең 4 укучыдан торган командасы (Мухаметдинова Лиана – 7 класс, Салахова Ләйсән, Хөрмәтуллин Таһир, Саматов Илзир - 8 класс, тренерлары Имамов Илдар Сардарович) Татарстан Республикасы укучыларының II спартакиадасы кысаларында уздырылучы шахмат ярышларының республика этабында катнашу теләге белән Лениногорск шәһәренә юл тоттылар. Аларга уңышлар телибез! 

 Бүген гимназиядә әти-әниләр көне узды. Ата-аналар башта балаларының дәресләренә керделәр. Соңыннан һәр классның җыелышы үткәрелде, укучыларның өлгереше, чирек нәтиҗәләре белән таныштылар, эшлекле уеннарда катнаштылар. Аерым класслар спектакльләр күрсәттеләр.

Китапханә айлыгы кысаларында, китапханәче Исламова Эльвира Мәүлетдин кызы тарафыннан районыбызның "Агыйдел дулкыннары" иҗат берләшмәсе язучылары белән очрашу кичәсе үткәрелде. Очрашуга Лилия Гыйлем, Альбина Авзалова, Әлфия Гыймазова килгән иде. Язучыларыбыз актив укучыларга һәм китапханәбезгә үзләренең китапларын бүләк иттеләр. 

Бу атнада гимназиядә математика атналыгы үтте. 

Интернет челтәрендә куркынычсызлык айлыгы, математика һәм информатика атналыгы кысаларында гимназия-интернатта чаралар үткәрелде. 27 нче октябрь көнне 9 нчы сыйныфларда "Интернет челтәрендә куркынычсызлык. Бу мәсьәләгә минем караш" исеме астында Бердәм дәресләр үтте.