Санкт-Петербург шәһәрендә “Санкт-Петербург. Царское село. Пушкин и мировая культура” XIX Халыкара яшүсмерләрнең фәнни конференциясендә "Сәләтле балалар өчен гуманитар гимназия-интернаты"ның XI классы укучысы Әһлетдинова Энҗе катнашып, III дәрәҗә дипломга ия булды. Шулай ук Энҗе, Рус теле һәм әдәбияты бәйрәм-фестивалендә иҗади номер белән чыгыш ясады (Җитәкчесе Әһлетдинова Ландыш Ф.). Котлыйбыз! 

Шимбә көнне “Иман” спорт сараенда район мәктәпләре укучылары арасында волейбол ярышы үтте. Гимназиянең кызлар командасы мактаулы I урынны алды. 9 класс укучысы Гыйлманова Рәмзилә “Иң яхшы уенчы” исеменә лаек булды. Остазлары – Исламов Илмир Рузил улы. Әфәрин!

 Гимназиядә татар театры көннәре башланып китте.

5 сыйныф укучылары гимназистлар сафына кабул ителде. 

9 – 11 класс укучылары өчен “Көзге бал” бәйрәме узды.

Гимназиянең 5-8 класслары “Сөмбелә” бәйрәмен үткәрделәр. 

Районкүләм уздырылучы Фирдәвес Шәемов исемендәге җиңел атлетика ярышында гимназия укучылары уңышлы гына чыгыш ясадылар. 7б классы укучысы Фәйрушин Рәсүл үз яшьтәшләре арасында беренче урынга лаек булды. Укытучысы - Исламов Илмир Рузил улы. Котлыйбыз! 

Гимназия-интернат базасында, “Гыйлем” берләшмәсе һәм гимназиянең чыгарылыш укучылары ассоциациясе белән берлектә, “Киләчәк заман шәхесе” дип исемләнгән интеллектуаль конференция оештырылды. 

 Гимназия укучылары “Татэнергосбыт” АҖнең Актаныш районы буенча клиентларга хезмәт күрсәтү бүлеге инженеры Давлетов Айгиз Рәскать улы белән очрашты. 

Сентябрь ахырында, Казан шәһәрендә, берничә ай дәвам иткән "Авыл укытучысы - 2017" бәйгесенә нәтиҗә ясалды.