Дини бәйрәм уңаеннан, гимназия ашханәсендә, Зиннур хәзрәт тарафыннан гает вәгазе һәм коръән сүрәләре укылды. Бәйрәмдә Актаныш муниципаль районы башкарма комитеты җитәкчесе Ильясов Рөстәм Алмаз улы, 57нче бистә мөселманнары һәм гимназия коллективы катнашты. Мәҗлес, корбан итеннән пешерелгән аш табыны артында дәвам итте.

Гимназиядә, дәресләргә чакырып, тәүге кыңгырау чыңлады. Хәерле сәгатьтә! 

1 нче июнь көнне бөтенрәсәйкүләм, республикакүләм фән олимпиадаларының җиңүчеләрен хөрмәтләү тантанасы булып узды. Гимназиянең 28 укучысы, 13 укытучысы Актаныш район башлыгы Камаев Фаил Мисбах улының рәхмәт хатына һәм акчалата премиягә ия булдылар. Район мәктәпләре арасында гимназия-интернат Гран-прига лаек дип табылды. Афәрин!

11 класс укучылары өчен шатлыклы да, моңсу да бәйрәм билгеләп үтелде. Укучыларны Актаныш муниципаль район Советы рәисе урынбасары Бариев Илфак Шамил улы, Татарстан Републикасы Мәгариф һәм фән министрлыгының милли мәгариф идарәсе җитәкчесе Исмәгыйлова Гөлназ Хәмзә кызы, гимназия-интернат директоры Гарипов Рамил Марат улы һәм әти-әниләр котлады, изге теләкләрен җиткерделәр.  2016-2017 нче уку елын 22 укучы тәмамлый. Аларга,  дәүләт имтиханнарын тапшырганда, уңышлар телибез! 

Укучыларыбыз  үзләрен спортның төрле төрләрендә  сынап карыйлар. “Сәламәт тәндә – сәламәт акыл” татар халык мәкален  алар девиз итеп тоталар.

15 нче апрель, 29 нчы апрель, 13 нче май көннәрендә гимназиядә яңа уку елына сайлап алу турлары үтте. 53 укучы 5 нче сыйныфка, 21 укучы 6 нчы сыйныфка, 23 укучы 7 нче сыйныфка, 14 укучы 8 нче сыйныфка, 8 укучы 10 нчы сыйныфка укырга килергә теләк белдерде. Барлыгы 119 укучы сынау аша үтте. Әлеге укучылар арасында Актаныш районыннан – 64 укучы, Азнакай районыннан - 11, Сарман районыннан - 14 , Минзәлә районыннан - 16, Мөслим районыннан - 4 , Нижнекамск шәһәреннән - 1, Тукай районыннан - 5, Башкортстаннан – 4 укучы катнашты.

3 нче июнь көнне кайбер сәбәпләр аркасында килә алмаган укучыларны гимназиягә сайлап алу турына көтеп калабыз.

Җиңүнең 72 еллыгына багышланган районкүләм 63 нче тапкыр үткәрелгән туристик слётта гимназия укучыларыннан җыелган кечкенәләр командасы I урынга лаек булды. Котлыйбыз!

Гамил Афзал исемендәге укучылар иҗат фестивале  җиңүчеләрен һәм лауреатларын хөрмәтләү тантанасы булып узды. Бәйрәмгә килүчеләрне гимназия директоры Гарипов Рамил Марат улы, Актаныш муниципаль районы башкарма комитеты җитәкчесенең социаль мәсьәләләр буенча урынбасары Әнвәрова Дилбәр Миркасыйм кызы, язучы, драматург,  Татарстан Язучылар берлеге рәисе Данил Салихов,  Гаяз Исхакый исемендәге премия лауреаты, Фатих Хөсни,  Саҗидә Сөләйманова исемендәге әдәби бүләкләр иясе, Татарстан Язучылар берлеге әгъзасы Рифә Рахман, Татарстан Републикасы Мәгариф һәм фән министрлыгының милли мәгариф идарәсе җитәкчесе Исмәгыйлова Гөлназ Хәмзә кызы   котлады. Яшь иҗатчылар Татарстан Республикасы мәгариф һәм фән министрлыгының һәм Татарстан Язучылар берлегенең дипломнары, акчалата сертификатлары белән бүләкләнделәр.

Туган телне саклау, өйрәнү һәм үстерү, милли гореф-гадәтләребезгә, рухи байлыгыбызга мәхәббәт тәрбияләү, укытучыларда фәнни эзләнүләрдә иҗадилыкка омтылыш һәм кызыксыну уяту максатыннан, Мәгариф һәм фән министрлыгы, Филология һәм мәдәниятара багланышлар институты, Яр Чаллы дәүләт педагогика университеты, «Сәләтле балалар өчен гуманитар гимназия-интернат» дәүләт автономияле гомумбелем учреждениесе белән берлектә  VI республика «Гамил Афзал укулары» үткәрде. Укуларның беренче турында 834 фәнни эш тикшерелеп, 145е икенче турга үтте. Әлеге фәнни хезмәтләр 9 секциядә якланды һәм жюри комиссиясе тарафыннан бәяләмә алдылар. Җиңүчеләр министрлыкның дипломнары белән бүләкләнде.

"Гамил Афзал укулары" VI республикакүләм педагогик укуларының 2 нче турына үтүче укытучылар исемлеге билгеле булды.