Гимназия укучылары арасында  “Татар егете -2018” бәйгесе булып узды.  5 – 10 класс егетләре әлеге конкурска яхшы әзерлек белән катнаштылар. Үз-үзең белән таныштыру, бию, артистлык осталыкларын сынау, викторина сорауларына җавап бирү этапларында егетләр үзләренең уңганлыкларын, җитезлекләрен исбатладылар. Кызлар исә, ял минутларын концерт номерлары белән бизәп, аларга көч биреп тордылар. Тырышлыкның нәтиҗәсе дә матур булды: 5б класс укучысы Хөҗҗәтов Газиз – гран-при, 9а класс егете Шакиров Илнур – I урын, 7б класс укучысы Рашитов Булат – II урын, 8а классыннан Хакимов Булат – III урынга лаек дип табылды. Башка егетләр дә төрле номинацияләрдә җиңүчеләр булып танылды. Бәйгене чын мәгьнәсендә бәйрәм чарасы итеп оештырган 7а классы укучыларына, класс җитәкчеләре Әһлетдинова Ландыш Филүс кызы һәм тәрбияче Хөснетдинова Гүзәл Фәрит кызына зур рәхмәт һәм иҗади уңышлар теләп калабыз.