Ә.Авзалова исемендәге мәдәният йортында оештырылган "Әнием, бәгърем, көт безне!" дип исемләнгән чарада безгә тормыш бүләк иткән бөек затларны - кадерле әниләрне зурладылар. Бәйрәмгә игезәк балаларга гомер бирүче әниләр дә чакырылган иде. Бакчабызда йөрүче игезәкләр Гилметдиновлар һәм Васильевлар да әлеге бәйрәмдә әниләре белән бергә катнаштылар.         

    Тешләр кеше организмының көзгесе. Таза тешләр - сәламәтлекнең нигезе. Кеше һәрвакыт тешләрен күзәтеп торганда гына аның  елмаюы матур, үзе сәламәт булыр. Ә тешләрне ничек карарга, чистартырга соң ?  Һәр ашаган саен авызны чайкатырга, баллы әйберләрне күп ашамаска, күбрәк яшелчәләр, җиләк-җимешләр ашарга, тешләрне көнгә 2 тапкыр чистартырга, елга 2 тапкыр теш табибына күренеп торырга. Боларның барысын да икенче кечкенәләр төркеме балалары Сәламәтлек атналыгында "Сәламәт тешләр" проектын тормышка ашыру барышында өйрәнделәр.

       Бакчабызда балаларны халкыбызның милли бәйрәмнәре, күркәм гореф-гадәтләре, матур йолалары белән таныштыру алып барыла. Мәктәпкә әзерлек төркеме балалары да Әниләр көне уңаеннан әниләрне "Каз өмәсе"нә чакырдылар. Балалар  бәйрәмдә күмәкләшеп эш башкарганнан соң, биеделәр, җырладылар, татар халык уеннарын бик яратып уйнадылар.

                                                    Бүген бездә каз өмәсе,

                                                    Каз өмәсе бүген бездә!

                                                    Каз йолкырга килгән кызлар,

                                                    Уңыш юлдаш булсын сезгә!

  19 ноябрь көнне Балалар иҗат үзәгендә "М.Җәлил укулары" әдәби конкурсының муниципаль этабы үткәрелде. Әлеге конкурста мәктәпкә әзерлек төркеменнән Гараев Р., Хазиева Л., зурлар төркеменнән Григорян Р. катнаштылар. Балалар "М.Җәлил турында", "М.Җәлил татар телендә", "М.Җәлил рус телендә" номинацияләрендә М.Җәлил шигырьләре белән чыгыш ясадылар. Икенче кечкенәләр төркеме балалары әлеге конкурста "Рәсем иҗаты" номинациясендә катнаштылар.

   Ә сез белә идегезме? Кыш бабайның да туган көне бар икән бит!  18 ноябрь көнне бөтен Россия буйлап Кыш бабайның (Дед Мороз) туган көнен билгеләп үтәләр. Кыш бабайга ничә яшь икәнен төгәл белмәсәләр дә, аңа 2000 яшьтән күбрәк, икәне төгәл билгеле. Мәктәпкә әзерлек төркеме балалары да Кыш бабайга открытка ясап бүләк иттеләр, Яңа ел бәйрәменә бүләкләр сорарга да онытмадылар.

   15-16 ноябрь көнне Казан федераль университетының Алабуга педагогия институтында I Бөтенроссия мәктәпкәчә белем бирү хезмәткәрләренең форумы үткәрелде. "Современные тенденции развития дошкольного образования" темасына үткәрелгән форум эшендә бакчабызның өл.тәрбиячесе Гумерова Л.М. катнашты.

    Районыбызның "Актаныш таңнары" газетасы редакциясе үткәргән "Сәер табыш бакчамда..." конкурсында бакчабызда тәрбияләнүче Мусин С. җиңүче булды. Котлыйбыз !

      Татарстан Республикасы Мәгариф һәм фән министрлыгы үткәргән "Белем җәүһәрләре" IX Бөтендөнья интернет-проектлар бәйгесендә "Гаилә һәм башлангыч белем җәүһәрләре" номинациясендә бакчабыз тәрбиячесе Шарипова Э.Р. "Шарипова Э.Р. кызының шәхси сайты" интернет - проекты белән җиңү яулады. Хезмәттәшебезне котлыйбыз һәм тагын яңа җиңүләр телибез!

    Балалар бакчасында "Көз безгә ниләр китергән?" темасына күргәзмәдә балалар әти-әниләре белән берлектә эшләп алып килгән эшләнмәләрен куйдылар.

   16-18 октябрь көннәрендә балалар бакчасында Көз бәйрәме иртәләре үткәрелә.