Район педагогларының август конференциясенең пленар утырышында хезмәттәшебез - тәрбияче Арсланова Г.М. Татарстан Республикасы Фән һәм мәгариф министрлыгының Рәхмәт хаты белән бүләкләнде. Хезмәттәшебезне котлыйбыз һәм яңа уңышлар телибез!

    17 август көнне балалар бакчасы хезмәткәрләре район мәдәният йортында үткәрелгән район педагогларының август конференциясенең пленар утырышында катнаштылар. Шулай ук конференция кысаларында оештырылган "Музей в чемодане" күргәзмәсенә "Сәгатьләр иленә сәяхәт" темасына экспонатлар җыелмасы әзерләнде.

     15 август көнне балалар бакчасы базасында район педагогларының август конференциясенең район балалар бакчалары җитәкчеләре секциясе утырышы үтте.

     14 август көнне бакчабыз педагоглары Әлем бакчасы базасында үткәрелгән район педагоглары август конференциясенең тәрбиячеләр секциясе эшендә катнаштылар.

      Балаларны балалар бакчасыннан ук һөнәрләр белән таныштыру, һөнәр ияләренең хезмәте турында күзаллауларын булдыру алып барыла. Шул уңайдан уртанчылар төркеме балалары полиция музеенда экскурсиядә булдылар, полиция хезмәткәрләре белән очраштылар, полиция хезмәте белән таныштылар.

     Бакчабыз педагоглары Арсланова Г.М., Ганиева Э.И. Татарстан Республикасы "Научный центр безопасности жизнедеятельности" дәүләт бюджет учреждениесе үткәргән "Шкатулка знаний безопасности"  республика конкурсының муниципаль этабында үзләре эшләгән лэпбуклар белән катнаштылар. Тәрбияче Арсланова Г.М.ның эше әлеге конкурсның республика этабында катнашу өчен сайлап алынды.

    Сабан туе - халкыбызның гасырлар буена яшәп килгән гореф-гадәтләрен, әхлакый кагыйдәләрен, йолаларын, халкыбызның рухи байлыгын саклап килгән милли бәйрәме. 30 май көнне балалар бакчасында да Сабан туе гөрләде. Балалар милли уеннарда үзләренең көчләрен, җитезлекләрен сынадылар, милли җырлар, биюләр башкарып үзләренең осталыкларын күрсәттеләр һәм рәхәтләнеп күңел ачтылар.

                                                    Сабан туе, Сабан туе,

                                                    Мәйданнары түгәрәк.

                                                    Бүгенге олы бәйрәмдә

                                                    Күңел ачыйк бергәләп!

     29 май көнне бакчабызда "Сау бул, бакча!" бәйрәме иртәсе үтте. Мәктәпкә әзерлек төркеме балалары бакча белән саубуллаштылар.

                                      Бераз гына моңсу да, шатлыклы да көнебез.

                                      Балачакның иң кадерле баскычын бит үтәбез.

                                      Сагындырыр, сагындырыр бакчабызның һәр көне.

                                      Туган йорттай якын булган, һәр бүлмәсе, һәр җире.

    25 апрель көнне мәктәпкә әзерлек һәм зурлар төркеме балалары район үзәк китапханәсе Г.Тукай туган көненә багышлап оештырган бәйрәмдә катнаштылар һәм чыгыш ясадылар.