Үзеңнең тәрәзә төбендә беренче язгы яшеллекнең үсүеннән дә күңеллерәк нәрсә юктыр мөгаен. Икенче кечкенәләр төркеме балалары да тәрбияче Габдрахманова Э.Р. җитәкчелегендә тәрәзә төбендә яшелчә бакчасы ясадылар һәм анда суган, укроп, петрушка, борчак үстерәләр. "Сабырлык һәм тырышлык белән алынган белем, хәтер белән бирелгән белемгә караганда артыграк", дигән Л.Н.Толстой. Бүлмә шартларында үсемлекләрне карап үстерү эшчәнлеге барышында үсемлекләр үссен өчен яктылыкның, җылылыкның, туфракның дымлылыгының кирәк булуы турында балаларның күзаллаулары киңәя, танып-белү сәләтләре, күзәтүчәнлекләре үсә.

  22  февраль көнне Актаныш технологик техникумының актлар залында мәгариф өлкәсендә үткәрелгән һөнәри бәйгеләрдә җиңүчеләрне һәм лауреатларны котлау чарасы үткәрелде. Әлеге чарада безнең балалар бакчасының рус теле тәрбиячесе Мансурова Э.Р. да катнашты. Ул "Ел тәрбиячесе- 2019" бәйгесендә лауреат исеменә лаек булды.

  21, 22 февраль көнне балалар бакчасында Ватанны саклаучылар көненә карата бәйрәм иртәләре үткәрелде.

    21 февраль һәр милләт, һәр халык өчен бәйрәм көн - Халыкара туган тел көне. Бу көн 2000нче елдан ЮНЕСКО карары нигезендә билгеләп үтелә башлады. Бүген дөнья халыклары 6 мең телдә сөйләшә, ләкин һәркем өчен дөньядагы иң кәдерлесе - беренче сөйләшә башлаган ана теле. Икенче кечкенәләр төркеме балалары да тәрбияче Габдрахманова Э.Р. җитәкчелегендә бүген Туган тел көнен бәйрәм иттеләр, әлеге бәйрәмгә әтиләр дә чакырылган иде.

                                     Туган телдә җырлый чишмә,

                                     Туган телдә шаулый таллар.

                                     Туган телдә дәшсәм генә,

                                     Туган җирем мине аңлар.

    "Бала өчен ата иң кадерле, иң якын ир кеше", - дигән Сухомлинский. Әйе, янәшәләрендә көчле рухлы, кешелекле һәм сөйкемле әтиләре булганда, балалар үзләрен бәхетле тоялар.  Уртанчылар төркемендә оештырылган "Әтием горурлыгым, әтиемнең һөнәре" темасына  оештырылган күргәзмәгә дә балалар әти-әниләре белән бергә коллажлар әзерләделәр, үзләренең әтиләре, аларның һәнәрләре, башкарган хезмәтләре турында мәгълүмат тупладылар.

  18 февраль көнне район мәдәният йортында үткәрелгән "Созвездие - Йолдызлык"- 2019 республика яшьләр эстрада сәнгатенең XIX республика фестиваленең  муниципаль сайлап алу турында безнең балалар бакчасы балалары да катнаштылар. Алар "Вокаль ансамбль", "Хореография-соло", "Вокал-соло", "Конферанс" номинацияләрендә чыгыш ясадылар.

  Хәзерге заманда тормышыбызны уттан башка куз алдына да китереп булмый: ул безгә һәркайда: өйдә һәм төрле оешмаларда, завод һәм фабрикаларда, шәһәр һәм авылларда кирәк. Ләкин утның куркыныч көч булуын, саксыз кулланганда коточкыч фаҗигаләргә китерергә мөмкин, икәнен онытмаска иде!  Көнкүрештә янгын куркынычсызлыгының элементар кагыйдәләрен балаларга кече яшьтән үк өйрәтү зарур. Балалар бакчасында әлеге белемнәрне балалар төрле  әңгәмәләр, матур әдәбият, уеннар аша, төрле эшчәнлекләр һәм чаралар барышында үзләштерәләр. Мәктәпкә әзерлек төркемендә дә "Ут белән сак булыйк!" темасына эшчәнлек үткәрелде.

   Балалар бакчасында педагоглар белән ачык чараларны күзәтү оештырылды. Тәрбиячеләр Габдрахманова Э.Р., Ибнеева Р.Р., Садыкова Р.Р. балаларның элементар математик күзаллауларын үстерү буенча эш тәҗрибәләре белән уртаклаштылар.

  12 февраля педагоги детского сада и родители участвовали в семинаре на тему "Педагогическое проектирование в контексте инновационной образовательной деятельности детский сад и семья: связанные одной целью", организованный в центре "Буляк" дополнительного образования одаренных детей. Семинар вели заместитель председателя комиссии Общественной палаты РТ по образованию и науке, член Общественного совета при МОиН РТ Реснянская Н.Л., педагоги-психологи образовательного центра "Егоза" г.Казани Герасимова Е.Ю. и Махатадзе А.Г.

     9 февраль көнне балалар бакчасының хезмәткәрләре Бүләк чаңгы трассасында үткәрелгән "Лыжня  России - 2019" массакүләм чаңгы ярышында катнаштылар.