29 май көнне бакчабызда "Сау бул, бакча!" бәйрәме иртәсе үтте. Мәктәпкә әзерлек төркеме балалары бакча белән саубуллаштылар.

                                      Бераз гына моңсу да, шатлыклы да көнебез.

                                      Балачакның иң кадерле баскычын бит үтәбез.

                                      Сагындырыр, сагындырыр бакчабызның һәр көне.

                                      Туган йорттай якын булган, һәр бүлмәсе, һәр җире.

    25 апрель көнне мәктәпкә әзерлек һәм зурлар төркеме балалары район үзәк китапханәсе Г.Тукай туган көненә багышлап оештырган бәйрәмдә катнаштылар һәм чыгыш ясадылар.

     Район үзәге оешма, предприятие, учреждениеләре арасында Рим Гаян улы Мостафин истәлегенә багышлангап үткәрелгән  "Экранда без" кыскаметражлы фильмнар конкурсында "Тарих" номинациясендә балалар бакчасы коллективы 3 урынга лаек булды.

     23-24 апрель көннәрендә бакчабыз коллективы район үзәге оешма, предприятиеләре арасында үткәрелгән "Безнең заман - 2019" эшләүче яшьләрнең иҗат фестиваленда катнашты.

   20 апрель көнне язгы санитар-чистарту айлыгы кысаларында балалар бакчасы территориясендә өмә үткәрелде.

    Мәктәпкә әзерлек төркеме балалары #Экояз - 2019 акциясе кысаларында үткәрелгән "Сыерчыкларны каршы алу" чарасында катнаштылар, Ленин паркында сыерчык оялары куйганнарын күзәттеләр. 

  #ЭКОЯЗ 2019  республика акциясе кысаларында балалар бакчасында тәрбияләнүче балалар макулатура җыеп тапшыру чарасында катнашып "Урманнарны юкка чыгарудан саклыйк !" акциясен үткәрделәр.

  #ЭКОЯЗ 2019 республика акциясе кысаларында балалар бакчасы территориясен язгы санитар чистарту эшләре башланды. Бу эштә бакчабыз хезмәткәрләре актив катнашалар.

    Балалар иҗат үзәгендә театр түгәрәгендә шөгыльләнүче укучы балалар балалар бакчасына кунакка килделәр. Кечкенә артистлар балаларга үзләре әзерләгән "Керпе малае үзенә дуслар эзли" дигән театр тамашасын күрсәттеләр. Балалар кызыклы театр тамашасын бик яратып кабул иттеләр.