Мәктәпкә әзерлек төркеме балалары тәрбияче Ибнеева Р.Р. белән бергә Актанышыбызның "Туган як музее"на сәяхәт иттеләр. Музейның төрле залларындагы туган ягыбызның табигате, тарихы, көнкүреше турында экспонатлар белән таныштылар. Музейга сәяхәт мавыктыргыч һәм кызыклы булды.

   Яз көне бөтен табигать җанлана, яңадан туа. Күчмә кошлар туган якларына әйләнеп кайталар. 1906 елдан башлап дөнья күләмендә Халыкара кошлар көне үткәрелә. Бу елның 1 апрелендә кошларны саклау буенча Халыкара конвенциягә кул куела, ә Россия моңа 1927 елда кушыла. Шулай итеп, безнең илдә 1927 елның 1 апреленнән башлап кошлар көнен үткәрү традициягә кергән. Балалар бакчасында да традиция буларак Кошлар көненә карата чаралар үткәрелә. 2 апрель көнне уртанчылар төркеме балалары белән "Исәнмесез, кошкайлар!" темасына күңел ачу үткәрелде.

     Бакчабызның икенче кечкенәләр төркеме балалары, тәрбияче Габдрахманова Э.Р. җитәкчелегендә, "ТАТМЕДИА" акционерлык җәмгыяте "Көмеш кыңгырау" республика балалар һәм яшүсмерләр газетасы үткәргән "Кошлар ашханәсе" фотобәйгесендә катнашлып җиңүче булдылар. Котлыйбыз һәм яңа уңышлар телибез!  

   19 март көнне бакчабызда "Юл хәрәкәте куркынычсызлыгы" дәүләт бюджет учреждениесенең Яр Чаллы территориаль идәрәсе хезмәткәрләре булып киттеләр. Алар уртанчылар төркемендә "Теремкәйгә сәяхәт" темасына юл хәрәкәте куркынычсызлыгы кагыйдәләренә өйрәтү буенча ачык белем бирү эшчәнлеге карадылар, балалар белән әнгәмә үткәрделәр, татар телендә мультфильм күрсәттеләр, юл хәрәкәте куркынычсызлыгы кагыйдәләренә өйрәтү буенча "Сакла" яңа сайты белән таныштырдылар һәм балаларны кечкенә бүләкләре - яктыны кире кайтаргыч фликерлар  белән дә сөендерделәр.

  12 марта воспитатель Арсланова Г.М. участвовала в Республиканских педагогических чтениях по теме "Развитие фамилистического мышления и поведения дошкольников в процессе реализации программы "Семьеведение", которые проводились  в университете управления "ТИСБИ" совместно с татарстанским региональным отделением Национального общественного комитета "Российская семья".

   7 март көнне Ә.Авзвлова исемендәге район мәдәният йортында 8 март - Халыкара хатын-кызлар көненә карата үткәрелгән бәйрәмдә балалар бакчасында озак еллар хезмәт куючы хезмәттәшебез физик тәрбия буенча инструктор Сарварова А.Э. районыбыз башлыгының  Мактау грамотасы белән бүләкләнде. Хезмәттәшебезне котлыйбыз һәм яңа уңышлар телибез!

   7 март көнне Ә.Авзвлова исемендәге район мәдәният йортында 8 март - Халыкара хатын-кызлар көненә карата  бәйрәм үткәрелде. Элеге бәйрәмгә оештырылган букетлар сату - күргәзмәсендә башка район оешмалары белән бергә безнең балалар бакчасы да үз букетларын тәкъдим итте. Бакчабыз хезмәткәрләре әзерләгән "Витаминнар букеты", "Зефирлы ләззәт", "Баллы шатлык" букетлары бәйрәмдә катнашкан һәркемнең дә күңеленә хуш килгәндер.

    Балалар бакчасында 8 март - Халыкара хатын-кызлар көненә карата бәйрәм иртәләре үткәрелә. Балалар әниләрен, дәү әниләрен, апаларны, кызларны бәйрәм белән котлыйлар.

    1 март көнне бакчабыз балалары район мәдәният йортында үткәрелгән  "Созвездие - Йолдызлык" - 2019  республика яшьләр эстрада сәнгатенең XIX республика фестиваленең район этабының гала - концертында  катнаштылар.  Әлеге конкурста Шайхразыева А.И. "Хореография-cоло" номинациясендә I дәрәҗәдәге лауреат, Гараев Р.А. белән Хазиева Л.Р. "Конферанс" номинациясендә III дәрәҗәдәге дипломнарына лаек булдылар. Котлыйбыз!