Юлда йөрү кагыйдәләрен өйрәнәбез, әңгәмәләр, экскурсияләр  төрле рәсемнәр, альбомнар аша транспортта йөргәндә үзләрен ничек тотарга тиешлекләрен аңлатабыз. Бала башка кешеләргә уңайсызламыйча, этешми-төртешми транспортка керә белергә, кергәч, тыныч кына утырырга, кычкырып сөйләшмәскә кирәклегенә төшенергә тиеш. 

Гыйлфанова Зәйнәп Роберт кызы:Балаларда хезмәткә хөрмәт тәрбияләү,  төрле һөнәр ияләренә карата кызыксынучанлыкларын үстерү, рәссам-дизайнер һөнәре турында балаларның белемнәрен арттыру максатыннан рәссам-дизайнерга укучы үзебезнең групадагы Ринатыбызның апасы Гайнанова Чулпан белән очрашу үткәрдек.

Дизайнер – төрле өлкәләрдә кешенең иҗтимагый таләпләрен зәвыклы итеп тормышка ашыручы. Дизайнерлар төрле өлкәләрдә эшлиләр: өй җиһазлары, кием-салым, аяк киемнәре, автомобиль сәнәгатендә, архитектура өлкәсендә, фасадларны, ландшафт- ларны, флористика-чәчәкләрне зәвыклы итеп бизәү өстендә эшли. Рәссам-дизайнер программалар, эскизлар, макетлар төзи. Журналлар, буклетлар матурайтуны тормышка ашыра. Бу һөнәр бүгенге җәмгыятьтә икътисадның үсешендә иң кирәкле һөнәрләрнең берсе булып тора

1 февраль көнне бакчабызда "Йолдызлык - 2016" бәйгесенең 2 туры узды. Катнашкан барлык балаларда бик матур чыгыш ясадылар. Зур сәхнәгә менеп тагы да зур үрләр яулауларын телибез.

Ромашка балалар бакчасында юл йөрү кагыйдәләренә багышланган “Могжизалы юллар” исемле ярыш-уен булып үтте.Мәктәпкә әзерлек А төркеме белән Б төркеме көч сынаштылар.Балалар юл йөрү кагыйдәләренә багышланган шигырьләр,жырлар башкардылар, ситуатив мәсьәләләр чиштеләр, шөгыльләрдә алган белемнәрен практикада ныгыттылар. Уен- ярыш балаларыбызның күңелләрендә уелып калып, киләчәктәдәдә төрле очракларда югалып калмаслар дип ышанып калабыз.

19 январь көнне "Ромашка балалар бакчасында район күләмендә үткәрелгән "Юный чтец" конкурсының сайлап алу туры үтте. Катнашкан балаларыбызга уңышлар телибез.

Балалар юл - транспорт һәлакәтләренә очрамасыннар, юлда үзләрен дөрес тота белсеннәр, төрле кыен ситуацияләрдән чыгу юлларын тизрәк һәм дөрес таба белсеннәр өчен балалар бакчасында махсус эш алып барыла.Шөгыльләр барышында балаларга төрле ситуацияләрдән чыга белү юлларын аңлатырга өйрәтергә тырышабыз, юлда үз-үзләренә ышаныч тәрбиялибез.

Яңа ел – һәркем көтеп алган иң серле бәйрәмнәрнең берсе! 1 нче кечкенәлә төркемендә дә “Яңа ел” иртәсе булып узды.  Балалар бик теләп катныштылар, Кыш бабайга шигырьләр сөйләделәр, җырлап, биеп күрсәттеләр, ярышларда көч сынаштылар. Бәйрәмдә актив катнашып ата-аналарны сөендерделәр! 

Бакчабызда Яңа елга багышланган бәйрәм иртәләре башланды.Балалар Кыш бабай белән Кар кызына шигырьләр сөйләделәр, жырлар жырладылар, бәйрәм ахырында Кыш бабаай белән Кар кызы балаларга бүләкләр өләштеләр, истәлеккә балалар белән фотога төштеләр.

Район Башлыгы призына биючеләр бәйгесендә кызларыбыз: Мирзаханова Л.Р., Вакилова Л.Ф., Гайнуллина Г.Р., Гайнанова Ч.Ф., Хабибуллина А.М., Туктарова Э.В., Хасанова Л.Х., Закиржанова Л.Р.,Сабирова Р.Р., Ибрагимова А.Р., Гибадуллина Р.М.лар катнашып, гала концертта халкыбызның каз өмәсе күренешләре белән бизәп, татар биюен башкардылар, район Башлыгының Дипломы белән бүләкләнделәр. Киләчәктә дә чыгышларыгызның тамашачылар алкышлавына күмелеп, сәхнә йолдызлары булып балкуыгызны телибез. Афәрин, кызлар!

Биюченен итэклэре,

Бии-бии кыскара.

Биючегэ суз эйтмэгез, 

Бии- бии остара.