Бакчабызда "Хуш киләсез, кошкайлар!" исемле бәйрәм иртәсе  булып узды. Чара уртанчы А төркеме балалары белән  кошларга карата шигырьләр, җырлар, уеннар, биюләр белән үрелеп барды.

Яратам кошларның 

Җырларын - моңнарын.

Кошчыклар булмаса.

Ни яме дөньяның?

Яратам кошларның

Җырларын - моңнарын.

Алар битканатлы

Бизәге дөньяның.

Март ае – яз башы, бик матур ай…Бу ай озак заманалар буена яңа елның беренче ае булып йөргән, 21 нче март уздырыла торган Нәүрүз бәйрәме көн белән төн тигезләшкән көнгә туры килгән.

Бу көнне авылларда, бигрәктә балалар бакчаларында, мәктәпләрдә үтә дә якын итеп, сөенеп, сагынып каршы алалар Нәүрүз бәйрәмен. Шулай булмый сон? Кышкы салкыннардан, карлы бураннардан сон бигрәк сагындыра бит ул яз! Җылы кояш нурлары, язның үзенә генә хас ягымлылыгы зурларда яшәүгә көч, дәрт-дәрман, өмет чаткылары уятса, нәниләребез өчен урамда, саф һавада уеннар башлангычы.

2 нче санлы “Ромашка” балалар бакчасын да Нәүрүз бәйрәме урап узмады.24 март көнне Лотфуллина Ләйсән Глүс кызы һәм Ибраһимова Альбина Рәшит кызы җитәкчелегендәге “Зурлар” төркеме балалары “Нәүрүз бәйрәме”н гөрләтте. Балалар кызыклы формада  бәйрәмнең тарихы һәм үзенчәлекләре турында сөйләделәр. Аларның өйдән өйгә кереп, хуҗаларны яз белән котлап, барысына сәламәтлек теләп, сый-хөрмәт җыеп, Нәүрүз әйтеп йөрүе, искиткеч дәртле, язгы җырлар, биюләр, шигырьләр белән үрелеп баруы бик матур күренеш иде. Нәүрүзбикә һәм Кыш бабай белән театральләштерелгән тамаша беркемне дә битараф калдырмады. Балалар өчен “Йомырка кабып йөгерү”, “Аркан тартышу”, “Таяк тарту” кебек милли уеннар һәм ярышлар оештырылды. Табышмакларга җавап бирү, сынамышлар әйтешү бәйрәмгә нур өстәде. Иң истә калган мизгел – Кыш бабай белән Нәүрүзбикәнең таяк тартышуы булгандыр. Уз вакытында Кыш бабайны зарыгып көткән балалар бу юлы бөтен көчләрен Нәүрүзбикәгә бирделәр, чөнки аның җиңүе бит ул, тиздән, бик тиздән карлар эреп бетеп, кошлар сайравы белән берлектә, дөньяның яшеллеккә, матурлыкка, хуш чәчәк исләренә төренүе дигән сүз бит!

Без мәктәпкә әзерлек төркеме балалары  белән 23 нче март көнне Актаныш 1 нче санлы  мәктәбенә экскурсиягә бардык. Безне анда бик җылы каршы алдылар. Укытучы апалар белән, мәктәп белән таныштык. Балаларга бик күңелле булды.

Имин булсын юлларыбыз,

Ак юл телик һәркемгә.

Һәлакәткә юлыкмасын,

Җир йөзендә беркемдә.

Безнең бакчада һәрдаим юл йөрү кагыйдәләренә багышланган чаралар, төрле күңел ачу кичәләре, рәсем бәйгеләре үткәрелә. Бүген балаларны Юл йөрү кагыйдәләренә өйрәтү максатыннан 2 нче кечкенәләр төркемендә  белем бирү эшчәнлеге күрсәтелде. Кунак итеп ЮХИДИ хезмәткәре Лена Фазлыева чакырулы иде, балалар белән әңгәмә оештырып, матур теләкләрен теләп, истәлекле бүләкләр таратты. 

Мәктәпкә әзерлек төркемендә инде икенче тапкыр суган уңышы җитеште. Балалар бергәләп утырттылыр, су сиптеләр, көн дә купмегә үскәнен күзәтеп тордылар. Витаминнарның кирәклеге яз көне бигрәк тә сизелә. Ә үз кулларың белән үстерелгәне бик тә тәмле. Балалар әлеге эшчәнлек вакытында нинди туфрак алырга, нинди эш кораллары кулланырга кирәклеген; үсү шартлары өчен: җылылык, яктылык, көн озынлыгының тәэсирен дә өйрәнәләр- алардан менә дигән ярдәмчеләр чыгачак.

4 март көнне безнең балалар бакчасында беренче кечкенәләр төркемендә 8 мартка багышланган бәйрәм иртәсе булып узды. Балалар әниләр һәм әбиләр өчен искиткеч концерт әзерләгәннәр: җырлар, биюләр, туганнарына, яраткан әниләренә һәм әбиләренә багышлап шигырьләр белән чыгыш ясадылар. Гадәттәгечә, балалар үз куллары белән әниләргә һәм әбиләргә бүләкләр әзерләгәннәр иде. Бәйрәм, һичшиксез, балалар бакчасы тормышына язгы шатлык һәм бәхет атмосферасы алып килде.

Бүген, 3 нче март көнне, чын бәйрәмне бераз ашыктырып, балалар бакчабызда мәктәпкә әзерлек төркеме белән 8 нче март көнен билгеләп үттек. Балаларның иң кадерле кешеләренә үз куллары белән ясаган бүләкләре дә, аларга багышланган җыр, бию, шигырьләре дә инде әзер булганлыктан, алар бу көнне аеруча түземсезлек белән көтте. Бакчабызның музыка залы балалар сөйләгән шигырьләрдән яңгырап торды, алар күмәк җырлар белән аралашып бирелде, уеннар исә бәйрәмгә аеруча җанлылык өстәде. 

Тәрбиячеләребез Лотфуллина Ләйсән Глүс кызы һәм Ибрагимова Альбина Рәшит кызы «Милли мультfest» республика балалар кинофестивале бәйгесендә “Могҗизчы Тәлти” мультфильмы белән зона этабында катнашып Сертификатка ия булдылар. Аларга киләчәктә дә зур уңышларга ирешүләрен телибез!

Наши воспитатели Лутфуллина Лейсан Глусовна и Ибрагимова Альбина Рашитовна приняли участие в зональном этапе конкурса республиканского детского кинофестиваля «Милли мультfest» с мультфильмом “Могҗизчы Тәлти” и получили сертификаты. Желаем им и впредь больших успехов!

31 январь көнне булып узган "Ученый малыш" олимпиадасының нәтижәләре билгеле. Жиңүчеләре дип зурлар төркемененнән : Исламова Зәринә, Гайсин Ильдар, Шарифзянов Нияз, Гаянова Азалия, Миннахметов Нияз. Молодцы, балалар.

"Туган тел һәм халыклар бердәмлеге"елы уңаеннан район китапханәсе оештырган викторина бәйгедә "Ромашка" тәрбиячеләре актив катнашты. Төрле биремнәрдә үзләрен сынатмадылар, жиңү яуладылар. Афәрин, тәрбиячеләр!