10 нчы октябрь көнне гимназия үзидарәсенә сайлаулар үтте. Сайлаулар тантаналы рәвештә гимн белән башланып китте. Мәктәпнең президенты итеп 8 нче А сыйныфы укучысы Галиәкбәрова Резедә сайланды. Ул президент антын башкаларга да җиткерде:

“Мин, Галиәкбәрова Резедә, миңа бирелгән олы президент дәрәҗәсен рәхмәтләремне белдереп кабул итәм, мәктәп ягыннан миңа йөкләнелгән җаваплылыкны аңлыйм һәм ант итәм,” – дип башлады ул сүзен. 5 нче гимназия президенты таныклыгын һәм президент идарәсе символын тәрбия эшләре буенча директор урынбасары Әбелханова Э.М. тапшырды.

 Президент урынбасарлары:

Хөсәенов Илнур

Закирова Ләйсән

Хәйруллина Алия

Талипов Илназ

Сәмитова Инзилә

Аларга уңышлар телибез.

Республика күләмендә белем бирү учреждениеләре хезмәткәрләре өчен, спартакиада узды. Яшел Үзән муниципаль районы җыелма командасы III нче урынны алды. Әлеге команда составында безнең укытучылар да бар иде. Чын күңелдән, Халитов Марат Дамирович, Гатауллин Радик Равилевич һәм Халитов Марсель Дамировичны җиңү белән котлыйбыз!!!

Итоги

школьного этапа олимпиады школьников по искусству (МХК)

2014-2015 учебный год.

Дата проведения 09.10.14.

9 класс. Максимальное количество баллов - 250

10-11 классы. Максимальное количество баллов – 250.

Олимпиаду провела учитель музыки и искусства  Э.М. Абулханова.

11.10.14.

МОиН РТ и МСХиП РТ приглашает посетить 11 октября 2014 года ярмарку продукции образовательных организаций РТ по адресу: Казань, Аграрная 2. Агропромышленный парк "Казань".

Дәү әтиләр-дәү әниләр җыелышы

8 нче октябрь көнне гимназиядә әби-бабайлар катнашында җыелыш булды. Әлеге чара традициягә әйләнеп бара. Дәү әтиләр һәм дәү әниләр мәктәп тормышы, оныкларының белем дәрәҗәсе белән кызыксындылар. Дәресләргә дә йөрделәр, укытучылар белән аралаштылар. Укучылар исә, бәйрәм концерты оештырды. Килгән кунаклар арасыннан Яшел Үзән шәһәренең баш мөхтәсибе Габделхәмит хәзрәт Зиннәтуллин чыгыш ясады. Ул укучыларны Корбан бәйрәме белән котлады.

Гимназиянең укучылары өчен шәһәребез мәчетләре дини темага төрле уеннар, викториналар оештырды. Әби-бабайлар да, укучылар да Корбан бәйрәме уңаеннан уздырылган бәйрәм ашыннан авыз итте. Шулай ук, гимназиядә “Минем мәчет” темасына рәсем бәйгесе дә игълан ителгән иде. Җиңүчеләргә истәлекле бүләкләр тантаналы рәвештә тапшырылды.

Бөтенроссия күләмендә Гадәттән тыш хәлләр министрлыгы укулары үтте. ГТХ хезмәткәрләре әлеге укуларны гимназия күләмендә дә үткәрде.

         Бүген гимназиядә Укытучылар көнен билгеләп үттеләр! Дулкынландыргыч мизгелләргә укучылар да, укытучылар да ныклап әзерләнгән. Бәйрәм концертында моңлы җырлар, кайнар котлаулар, сәхнәләштерелгән күренешләр һәркем күңеленә хуш килде. Бәйрәм белән хөрмәтле коллегалар!!!

      Бүген гимназиядә Укытучылар көне уңаеннан Үзидарә көне актив эш башкарды. Барлык фәннәрне укытуны үз өстенә алып, укучылар үз җилкәләрендә мактаулы һәм авыр хезмәтне татып карады. “Җиңел түгееел!” – диештеләр алар. Әлегә “яңа” директор, “яңа” урынбасарлар эш белән “янып-көеп” йөри, гимназиядә бәйрәм рухы!!! Ә алда әле безне яллар көтә =)))

Гимназиябезнең уку – укыту эшләре буенча директор урынбасары

                           Сәләхова Зөлфирә Үрнәк кызы

                “Мәгариф алдындагы казанышлары өчен”

                              медале белән бүләкләнде.

Котлыйбыз!!!

Өлкән буынга хөрмәте булмаган буынның киләчәге юк. Бу хөрмәтне ничек тәрбияләргә? Әлбәттә, яшьтән. Яшьтән бөгелгән агач кына сыгылмалы була, үз вакыты җиткәч шартлап сынмый. Шушы шигарә астында 3а сыйныфы укучылары гимназиябез тормышына дистә еллар гомерен багышлаган, хәзерге вакытта лаеклы ялда булган Люция Һидият кызы Сакаева белән очрашты. Балалар ветеран укытучыга үз теләкләрен, ә укытучы аларга үз киңәшләрен җиткерде. “Сез бит әле яшь”,- дип соклануын белдерде Азизә. Шулай яшь һәм сәламәт булып калырга язсын, Люция Һидиятовна.