Шушы көннәрдә татар җәмәгатьчелегенә “Татар баласы укырга тиешле 100 китап” исемлеге тәкъдим ителде. Исемлекне "Гаилә һәм мәктәп" журналы тәкъдиме белән әдәбият галиме Әлфәт Закирҗанов төзегән.

Исемлек өчкә бүленгән: башлангыч сыйныф, урта сыйныф, өлкән сыйныф укучылары өчен китаплар. Шунысы да искәртелгән – бу китаплар мәктәп програмыннан тыш укылырга тиешле икән.

 15 гыйнварда гимназиябездә 5-11нче сыйныф укучылары антикоррупциягә каршы сыйныф сәгатьләрендә актив катнашып, бик күп мәгълүмат тупладылар.

Канукуллардан соң беренче уку көнендә гимназиядә 1-11нче сыйныфларда "Без терроризмга каршы" темасына сыйныф сәгатьләре үткәрелде.

10 сыйныф укучысы Каюмова Ләйлә Романовлар династиясенең 400 еллыгына багышланган фәнни-гамәли конференциясеннән мактаулы 3 урын алып кайтты. Котлыйбыз!

29 нчы ноябрьдә мәгариф идарәсе тарафыннан Сингапур методикасы буенча укытуны тикшерү башланды. Мәгълүмати-методик үзәкнең баш белгечләре Гордеева С.Ю., Костяшина Н.Г. рус әдәбияты, рус теле, инглиз теле, математика дәресләрен уңай бәяләде һәм үз киңәшләрен бирде.

Гимназия күләмендә 5-11 нче сыйныфлар арасында “Зур биюләр” конкурсы башлангыч алды. Монда һәр сыйныф бик теләп катнашты. Укучылар тиешле таләпләрне үтәргә тырышкан. Милли үзенчәлек, бию төрләре, киемгә жюри әгъзалары ныклап игътибар итте.

 5 – 7 нче сыйныф укучылары арасында I урын – 7 нче А сыйныфына, II урын – 6 нчы А һәм 7 нче Б сыйныфларына, III урын – 5 нче А сыйныфына бирелде.

8 – 11 нче сыйныф укучылары  арасында I урын – 11 нче А сыйныфы, II урын – 8 нче А һәм Б сыйныфлары, II урын – 10 нчы А сыйныфы, III урын – 9 нчы Б сыйныф укучылары лаек булды.

23 нче ноябрь көнне гимназия әти-әниләрне дәресләргә кунакка чакырды. Әлеге чара традиция буларак, ел саен уздырыла.

Бу көнне укучылар үзләрен аеруча җаваплы тотты. Әти-әни янында хисап тотасы җиңелләрдән түгел, әлбәттә. “Кызыклы, мавыктыргыч та булды. Шунда балаларның тәртибен дә күзәтәсең. Укытучыларыбызга зур рәхмәт”, - дип уртаклашты, әти-әниләр. 

25 нче ноябрьдә химия фәне буенча Бөтенроссия күләмендә үткәрелә торган олимпиаданың муниципаль  этабы узды. Безнең җиңүчеләр: 10 нчы сыйныф укучысы - Мухаметшина Резеда, 8 нче сыйныф укучысы - Абдуллин Айнур III урын.   КОТЛЫЙБЫЗ!!!

21 ноября отмечается День работника налоговых органов РФ. В честь этой даты в нашей школе прошел урок по теме "Налоговая система РФ".

20 нче ноябрьдә «Башлангыч мәктәптә компетентлы якын килү: проблемалар, тәҗрибә, инновацияләр” бөтенроссия халыкара фәнни-практик педагогика конференциясе узды. Конференция КФУ, Башлангыч мәктәпнең педагогика һәм методика кафедрасы, Яшел Үзән Мәгариф идарәсе белән берлектә үткәрелде. Гимназия укытучылары ачык дәресләр күрсәтте һәм алар килгән кунаклар тарафыннан уңай бәяләнде. Гимназиянең кунаклары – Төркиядән килгән вәкилләр иде. Гимназиянең эш тәҗрибәсе аларны битараф калдырмады. Конференция секцион утырыш белән тәмамланды. Катнашучыларга сертификатлар тапшырылды.