Ватанны саклау - бүгенге көндә һәркемнең бурычы. Балаларда иң беренче патриотик тәрбия һәм Ватанны саклау хисен укытучылар уята һәм ныгыта. Менә шул максаттан, бүген мәктәбебездә “Кыр почтасы - 2019” дип аталган чара узды. Хәрби кешеләргә җитди, төгәл, түземле, тәвәккәл, таләпчән һәм көчле ихтыярлы булырга кирәклеге искәртелде. Олы Яке җирлегеннән бүгенге көндә иксез-чиксез илебезнең төрле шәһәрләрендә үзләренең изге бурычларын үтәүче егетләрнең мәктәбебез укучыларына атап язган солдат хатларын укыдылар. Укучылар үзләре дә аларга, Ватанны саклаучылар көне белән котлап, открыткалары яздылар.

            Бүген  Казан шәһәрендә татар мәгърифәтчесе И.Хәлфин истәлегенә  узган XIV укучылар фәнни-гамәли конференциясе узды.  2 нче турга узган 120гә якын укучы секцияләргә бүленеп эшләделәр. Мәктәбебезнең 7 нче сыйныф укучысы “Ватан тарихы. Туган якны өйрәнү” секциясендә уңышлы чыгыш ясап,  Татарстан Республикасы мәгариф һәм фән министрлыгының сертификатына лаек булды. Киләчәктә дә уңышлар телибез!

           Еллар үтү белән, күп вакыйгалар хәтердән җуела, әмма без тарихтагы кайгылы көннәрне онытырга тиеш түгелбез. Бүген Әфганстаннан совет гаскәрләрен тулысынча чыгаруга 30 ел.  Шул уңайдан “Мәңге сүнми торган хәтер” дип исемләнгән чара булып узды. Укучылар, интернациональ бурычларын үтәп, исән-сау әйләнеп кайткан һәм гомеренең иң матур вакытында һәлак булган авылдашларыбыз турында сөйләделәр.  «Сугыш» дигән сүзнең ачы мәгънәсен аңлап, сабак кына түгел, үзләренә олы рухи байлык та алдылар.

           Мәктәптә "Изге Вәли" көне билгеләп үтелде.  Кичә барышында төрле уеннар уйналды, мәхәббәт өлкәсенә кагылган сорауларга җаваплар табылды. Җыр-бию, нәфис сүз дә читтә калмады. Кичә ахырында актив уйнаган парлар ачыкланды. Бәйрәм бик күңелле узды.  

         Һәр ир-егетнең үз Ватаны алдында изге һәм мактаулы бурычы бар. Ул - армия сафларында хезмәт итү. Төнге караңгыда, буранда, яңгыр яуганда туган авылында калган әти-әниеңне , туганнарыңны, дусларыңны һәм тагын бик күпләрнең тыныч йокысын, шат тормышын саклаудан да изге, мактаулы эш бармы соң? Укучылар, укытучы Илгиз Солтанович җитәкчелегендә, армия сафларында булып кайткан һәм бүгенге көндә хәрби бурычларын үтәгәүче туганнарының фотосурәтләреннән стенд ясадылар. Мәктәбебездә укучы егетләр дә киләчәктә туган ил алдындагы бурычларын намус белән үтәрләр дип ышанабыз.

           Девятиклассники нашей школы сегодня сдавали итоговое собеседование по русскому языку. Оно является допуском к основному государственному экзамену.  

         В феврале исполняется 250 лет со дня рождения замечательного русского баснописца Крылова И.А. Для учащихся начальных классов библиотекарь Большеякинской сельской библиотеки Закирова А.Ш. провела литературный час, посвящённый этой дате. Была показана слайдовая презентация по биографии Ивана Андреевича, весёлая викторина дала возможность ребятам вспомнить любимые басни.  

        Хәрби-патриотик айлык кысаларында Олы Яке төп гомуми белем бирү мәктәбендә   Әфганстаннан совет гаскәрләре чыгарылуга 30 еллыкка багышланган бердәм сыйныф сәгатьләре үткәрелде. Укучыларга  чит җирләрдә интернациональ бурычын үтәгән якташларыбыз турында мәгълүмат бирелде. Һәлак булган солдатларны бер минутлык тынлык белән искә алдылар.

            Бүген хәрби-патриотик айлык кысаларында  5-7 нче сыйныф укучылары арасында мәктәп турнирына чираттагы волейбол ярышы үтте. Ярышта кызлар да, егетләр дә сынатмады. Уен бик җанлы барды.  

          Хәрби патриотик айлык дәвам итә. Бүген Олы Яке төп гомуми белем бирү мәктәбенең 9 нчы һәм 8 нче сыйныфлары арасында мәктәп турнырына волейбол ярышы үтте. Ярыш бик күңелле булды. Уен, 1:2 исәбе белән, 8 нче сыйныф укучылары файдасына тәмамланды.