Башлангыч сыйныф укучылары өчен биология укытучысы Гайнетдинова Д.Х. "Исәнмесез, кошкайлар" дигән экологик дәрес үткәрде. Әлеге чарада кошлар темасына презентацияләр күрсәтелде, викторина, уеннар оештырылды. Укучылар, кызыксынып, сорауларга җавап эзләделәр, "Кошлар тавышын таны" дигән уенда көч сынаштылар.

           1 нче апрель ел саен кошлар көне буларак билгеләп үтелә. Тирә-ягыбыз мохитен саклау, кошларга кулыбыздан килгәнчә ярдәм итәргә өйрәтү максатыннан, 5-9 нчы  сыйныф  укучылары өчен “Кошлар – безнең дусларыбыз” дип аталган КВН үтте. Балаларга кошлар турында информация бирелде. Укучылар, “Альбатрос“  һәм “Колибри”командаларына бүленеп, бер – берләренә ярдәмләшеп, кошлар турында презентацияләр карап, кошлар дөньясы белән бәйле викторина сорауларына җаваплар бирделәр, табышмакларга җаваплар таптылар, кошлар турында бик күп кызыклы мәгълүматлар белделәр, аудиоязма тыңлап, кошлар тавышын таныдылар. Чараны Гайнетдинова Д.Х. әзерләде.  

              9 нчы сыйныф укучыларының төп дәүләт имтиханнарына әзерләнүнең иң кызу чагы. Укытучылар  язгы каникул вакытында консультацияләр уздыралар, өстәмә шөгыльләнәләр, ТДИ форматында сынап карау имтиханнары уздыралар.

- Һәр бала, нинди генә яшьтә булса да, гади генә булган янгын куркынычсызлыгы кагыйдәләре турында белергә тиешләр:
- Әти-әнигә әйтми өйдән теләсә кая китәргә ярамый.
- Олы юлларда, караңгы урыннарда, җимерек йортлар янында уйнарга ярамый.
- Электр приборларын кулланганда, телевизорларны утка ялгаганда, үтүк, чәйнекләр кулланганда янгын куркынычсызлыгы кагыйдәләрен     үтәргә онытмаска кирәк.
- Газ җиһазлары белән эш иткәндә дә куркынычсызлык кагыйдәләрен үтәү зарур. Юкса, каникуллар күңелсез тәмамланырга мөмкин.
          Моннан тыш, язгы каникул чорында тагын берничә төр кагыйдәне истән чыгармаска кирәк. Зур биналар яныннан ераграк йөрергә, түбәдән боз-кар төшү куркынычы бар. Сулыклар янында йөргәндә игътибарлы булырга. Бозга кереп шуарга ярамый.
         Велосипед, скутерда йөргәндә, скейт һәм ролик­ларда, самокатларда йөргәндә, куркынычсызлык кагыйдәләре хакында онытмаска кирәк. Машина йөргән юлларда да уйнарга ярамый.
         Сәламәтлегебез турында кайгыртырга да онытмыйк. Язгы каникуллар күңелле узсын дисәк, югарыда истә алынган кагыйдәләрне исебездән чыгармыйк.

            Мәктәпләрдә иң озын, иң ялыктыргыч  өченче чиректән соң,  язгы  каникул җитте. Укучылар 8 көн –  31мартка кадәр ял итәчәк. 1 апрельдән дүртенче чиреккә старт бирелә.

          VI Республиканский конкурс научно-исследовательских работ младших школьников “Край родной, навек любимый!” прошел на базе МБОУ “Бишнинская начальная школа-детский сад Зеленодольского муниципального района РТ”. Наши ученики под руководством Гайнутдиновой Д.Х. заняли призовые места. Молодцы!

        Түземсезлек белән көтеп алган яз да килеп җитте. Тиздән канатлы дусларыбыз - кошлар җылы яклардан кайтачак. Олы Яке мәктәбе укучылары аларны каршыларга ныклап хәзерләнделәр: сыерчык оялары ясадылар. Канатлы дусларыбыз өчен ясаган оялар бик матур килеп чыкты. Кошчыкларга өйләр ясау буенча акция дәвам итәчәк. 

            Мәктәпнең традицион тәрбия чараларына тугры калып, быел да Нәүрүз бәйрәмен нәкъ 21 мартта үткәрдек. Бәйрәм Нәүрүз көненең тарихын искә төшерү белән башланды.   Аннан соң мәктәп ишегалдында милли уеннар белән дәвам итте. Бигрәк тә башлангыч сыйныф укучылары, укытучылары актив катнашып, өшегәннәрен, юешләнгәннәрен онытып уйнадылар. Һәркемнең йөзендә елмаю, канәгатьләнү хисе чагылды. Шатланырга сәбәп бар: иң озын - III чирек, ниһаять, тәмамлана, ике көннән каникулга таралышабыз бит!

            Бүген  Яшел Үзән районы Әйшә урта мәктәбендә Габдулла Тукай исемендәге IX Халыкара уку бәйгесенең “Туган ягым – яшел бишек“ дип аталган муниципаль туры булып узды. Анда авыл һәм шәһәр мәктәпләреннән 60 тан артык  укучы көч сынашты. Бәйгедә мәктәбебез укучылары да катнашты. Балаларның чыгышларына Татар язучылар берлегеннән килгән язучылар һәм Г.Камал исемендәге театр артистлары  бәя бирде.