Бүген "Иске Урыссу урта мәктәбе"нең кече укучылары белән очрашкач, безнең балалар табигатьне сакларга өндәүләрен чагылдырды! Экологик буклетлар белән бүлештеләр. Экологик белемнәр көне планетабызда яшәүчеләрнең барысы өчен дә әһәмиятле, чөнки сүз киләчәктә барыбызның да имин тормышы турында бара. Әгәр без табигать белән дус булырга телибез икән, без аның ресурсларын рациональ файдаланырга  тиеш.

Туган көн һәр бала тормышында шатлыклы һәм озак көтелгән бәйрәм, аны якыннары һәм дуслары арасында бәйрәм итәсе, комплиментлар ишетәсе, елмаюлар аласы килә. Ә төркем - бер зур һәм тату гаилә, анда балалар бәйрәмнәрне күңелле бәйрәм итә. Балалар Самирага теләкләр һәм комплиментлар тапшырдылар. Бу көн күңелле үтте, һәм ул бик озак балалар хәтерендә калачак.

Ильясова Әдиләгә 6 яшь тулды, балалар "Каравай" исемле котлау җырын башкардылар һәм теләкләрен теләделәр. Бик күп көннәр бәхетле,һәм иң-иң тугры  дуслар булсын сиңа, Әдилә!

2021 елның 17 апрелендә 7 нче балалар бакчасы базасында мәктәпкәчә белем бирү учреждениеләре педагоглары арасында "Минем туган ягым" дип исемләнгән район шигырь укучылар конкурсы узды. Чара нәфис сүз жанрына ия булган талантлы сөйләүчеләрен ачыклау, аларга ярдәм итү һәм стимуллаштыру, сүзгә мәхәббәт тәрбияләү, нәфис зәвык тәрбияләү максатында үткәрелде. Безнең балалар бакчасы тәрбиячесе Мөхәммәтова Рәмзия Әсгать кызы "Иң катлаулы әсәр" номинациясендә беренче урын алды.

Тәрәзә төбендәге бакча - балаларның үсемлекләрне ничек карау, яктылыкның, җылылыкның, дым, үсемлекләрне үстерү өчен туфракның кирәклеге, кызыксыну, фикер йөртү турындагы күзаллауларын киңәйтүнең менә дигән ысулы. Без үз алдыбызга төп максат куйдык - мәктәпкәчә яшьтәге балаларны үсемлекләрне үстерү, бүлмә  шартларында ничек карарга икәнлеге турында белемнәрен гомумиләштерү һәм киңәйтү; эшкә мөмкин кадәр күбрәк балаларны җәлеп итү.

Бүген Урыссу бистәсе 1 нче санлы балалар бакчасы базасында район музыка җитәкчеләре семинары узды. Без "Ел вакытлары буйлап сәяхәт. А.Вивальдиның музыка дөньясы " дигән темага бик яхшы чара карадык. Һәр музыка җитәкчесе үз хезмәттәшләре белән тәҗрибә уртаклаша алды.

12 апрель - кешеләр тарихында беренче тапкыр Юрий Гагарин космоска очыш ясаган көн. Беренче канал кешенең космоска беренче очышының 60 еллыгы уңаеннан үткәрә торган флешмоб нәкъ шулай атала. Без дә шул акциягә кушылдык!

Бүген "Карлыгач" балалар бакчасында экологик флешмоб узды. Әйләнә-тирә дөньяга мәхәббәт - безнең мәктәпкәчә белем бирү учреждениесенең төп юнәлешләреннән берсе. Тәрбияләнүчеләр, тәрбиячеләр белән бергә, якынлашып килүче язга шатланып биеделәр. Балаларга туган якка мәхәббәт тәрбияләү өчен, әйләнә-тирә дөньядан башларга кирәк.

Бүген безндә кунакта Иске Урыссу урманчылыгы урманчысы Мәрданов Камил Гамир улы булды. Ул балаларга урманнарның кешенең экологик иминлегендә роле турында сөйләде. Балалар рәхәтләнеп сорауларга җавап бирделәр, урманнарыбызның үсемлекләр һәм хайваннар дөньясы турында табышмакларга җаваплар бирделәр. Камил Гамир улы - урманда инде күп еллар эшли, урман һәм анда яшәүчеләр турында күп белә. Ул элек ничек итеп урман утыртмаларын караулары, яңа агачлар утыртулары турындагы истәлекләре белән уртаклашты.

Айлинаның туган көне бүген! Аңа 4 яшь тулды. Без балалар белән бергә уйнадык, биедек һәм аңа "Ак калач" җырын җырладык. Туган көне - аның тормышында иң шатлыклы вакыйга, ул мәңгегә аның хәтерендә калачак бәйрәм. Шуңа күрә - гомерлеккә калачак иң якты, иң шатлыклы хатирәләр булырга тиеш.