Казан шәһәре муниципаль берәмлеге Башкарма комитеты Мәгариф идарәсенең Вахитов һәм Идел буе районнары мәгариф бүлеге боерыгы нигезендә гимназиядә “Бозда игътибарлы булачакмын” дигән балалар рәсеме бәйгесенең 1нче этабы узды. Сезнең игътибарга иң яхшы эшләрне тәкъдим итәбез.

2 нче декабрьдә гимназиядә югары сыйныф укучылары өчен Бөтендөнья спидка каршы көрәш көненә багышланган “Синең язмыш- синең кулларда” дигән түгәрәк өстәл оештырылды.
Балалар үзләре ясаган плакатлар белән килгән иде. Укучыларның чыгышларында “Сәламәт һәм куркынычсыз яшәү рәвеше алып баруга өндәү" темасы кызыл җеп булып сузылган иде. Ахырдан балаларга “Спидка каршы гади кагыйдәләр” дигән фильм күрсәтелде.

Көн дә күнегүләр ясыйм,
Гер күтәрәм, туп тибәм...
Шаккатмассыз, мәгәр мәшһүр
Чемпион чыкса миннән.
Көчле, нык булып, чыныгып
Үсәсем килә тизрәк.
...Туган илне сакларга да,
Туган телне якларга да
Сәламәт акыл кирәк.
2013нче елның 30 ноябрендә гимназиядә «Спорт - начар гадәтләргә каршы көрәш чарасы » Бөтенроссия акциясе үтте.
“Тормыштан бөтен нәрсәне дә алып кал” дигән лозунг яшүсмерләр арасында бик модада хәзер. Әйләнә-тирәдәге чынбарлык безгә файда да, зыян да китерергә мөмкин. Бар да кешенең үзеннән, аның тәрбиясеннән тора.
Бу акцияне үткәрүнең төп максаты: һәр яктан үскән шәхес тәрбияләү. Ул үз көче белән тормыш авырлыкларын җиңәргә өйрәнергә тиеш. Шуның өчен дә спорт – начар гадәтләргә алмаш булып тора.
Спорт күнегүләре иммунитет, ихтыяр көчен үстерүгә, үз-үзеңә ышаныч барлыкка китерүдә, гомерозынлыгы артуга, тышкы кыяфәтнең яхшыруына, физик көчнең артуына китерә.
 

Гимназия китапханәсендә Бөек Ватан сугышында җиңүнең 70 еллыгына карата китаплардан күргәзмә оештырылды. 2-11нче сыйныф укучылары бик кызыксынып танышалар андагы китаплар белән.
Шулай ук 3-5 декабрьдә китапханәдә “5нче декабрь - Мәскәү янындагы сугышларда совет гаскәрләренең контрһөҗүмгә күчү көне” дигән темага библиографик дәресләр уза.

Татарстанда Төньяк Кавказда булган террорлык актларын булдырмау максатында, түбәндәгеләргә игътибар итүегез сорала:
- хуҗасыз әйберләргә;
- таныш түгел кешеләр биналарга үтеп керергә теләсә;
- шикле кешеләрнең фатир арендаларга теләве;
- шикле буш машиналарның биналар янында озак торуы;
- төрле оешмалар белән чиктән тыш кызыксынучы кешеләр булса,

үзегез генә берни дә эшләргә тырышмагыз! Кирәкле урыннарга хәбәр итәргә тырышыгыз!
Әгәр сезгә югарыда саналган фактлар билгеле булса, түбәндәге телефон номерларына шалтыратыгыз:
8(843)291-35-28
02
020
8(843)231-45-55

Бүген, 29 нчы ноябрдә, 1 нче татар гимназиясе базасында информатикадан Бөтенроссия олимпиадасының муниципаль туры узды. Быел ул беренче тапкыр Он-лайн режимда үткәрелде. Олимпиадада Вахитов районы мәктәпләреннән барлыгы 42 укучы катнашты.

27нче ноябрьдә 6а сыйныф укучылары мавыктыргыч фән һәм техника йортында булдылар.
Музейда интерактив экспонатлар бар иде. Балалар, аларны тотып карап, үзләре төрле экспериментлар үткәрделәр.
“Музейга сәяхәт бездә онытылмас тәэсирләр калдырды”,- диделәр 6нчы сыйныф укучылары.

24нче ноябрьдә илебездә “Әниләр көне” булып үтте. Һәр кеше өчен иң кадерле кеше- Әни, әлбәттә. Ул, төн йокыларын калдырып, безне иркәләп- назлап үстерә. Балам чын кеше булсын, дип бөтен тырышлыгын, сәламәтлеген бирә. Ә без аларны хөрмәтли беләбезме соң?
Гимназиядә “Әниләр көне” уңаеннан сыйныф сәгатьләре, иншалар язу конкурсы; мәктәп газетасына мәкаләләр, шигырьләр язу; “Әниемнең портреты” дигән исем астында фото һәм рәсемнәр бәйгесе узды. Соңгысында укучылар аеруча актив катнаштылар. 2нче катта аларның эшләреннән күргәзмә оештырылды. Һәркем сокланырлык иҗат җимешләре бик күп иде.

Он-лайн голосование в республиканском конкурсе "IT - чемпион" (Творческая номинация).

Учащиеся могут проголосовать на портале edu.tatar.ru "Электронное образование в РТ" только со своего личного кабинета и только 1 раз.
Процедура голосования:
1) Зайти в личный кабинет.
2) В разделе "IT - чемпион" рядом с записью "Творческая номинация" нажать "Голосование", где будут представлены работы учащихся по различным номинациям.
3)Выбрав одну из работ нажать "Нравится".

Бүген, 22 нче ноябрьдә, укучылар үзидарәсе һәм физик тәрбия укытучылары җитәкчелегендә егетләр, кызлар арасында кул көрәше уздырылды, җиңүчеләр билгеләнде. 7-8, 9-11 сыйныфларның призерлары катнашында үткәрелгән өстәмә турнирда 1нче урынны 9а сыйныфы укучысы Семенев Рөстәм, 2нче урынны 8а сыйныфы укучысы Габидуллин Нур, 3нче урынны 11а сыйныфы укучысы Сәләхов Рөстәм яулады. Җиңүчеләрне ихлас күңелдән котлыйбыз, киләчәк ярышларда уңышлар телибез.