17 нче мартта Бөек Ватан сугышында Җиңүнең 70 еллыгына багышланган “Казан-Йорт” шәһәркүләм бәйгенең сайлап алу этабында Фасахов Булат нәфис сүз номинациясе буенча, «Умырзая» театр студиясе, Әмирхан Еникинең “Мәк чәчәге” нәсерен сәхнәләштереп, театраль коллективлар номинациясендә чыгыш ясадылар.

17 нче мартта “Илебездә, телебездә, күңелләрдә Тукай мәңгелек” шәһәркүләм шигырь сөйләүчеләр бәйгесенең район этабы узды. 10 нчы сыйныф укучысы Җамалиев Нияз, 3 нче сыйныф укучысы Турлов Нияз Г. Тукай шигырьләре номинациясендә, 2 нче сыйныф укучылары Шәрәфетдиова Адилә, Гатауллина Анаит, 3 нче сыйныф укучысы Шамсина Динә, 10 нчы сыйныф укучысы Җамалиев Нияз Г.Тукай һәм сугышка багышлап үзләре язган шигырьләр номинациясендә катнаштылар.

Башлангыч сыйныф укытучысы Хәбибуллина Эльвира Наилевна, “Ел укытучысы 2015” бәйгесенең шәһәр этабында өченче урын яулап, зона этабында чыгыш ясарга әзерләнә. Ул 26 нчы март көнне ачык дәрес һәм мастер-класс күрсәтәчәк. 

16 мартта «Живая классика» Бөтенроссия яшь шигырь укучылар бәйгесенең район этабында 7 нче сыйныф укучысы Фаекова Дилә уңышлы чыгыш ясады.

14 нче мартта укучыларның Д.С. Лихачев исемендәге IX филологик фәнни-гамәли конференциясе узды. “Яшь тикшеренүче” секциясендә Салбанова Айбикә , Шаталина Самира, Сабирова Камилә , Хәсәнҗанова Эльзия, “Рус теле һәм әдәбияты өлкәсендә филологик тикшеренүләр” секциясендә Волкова Анастасия уңышлы чыгыш ясадылар. Укучылар грамоталар һәм үзләренең тезислары бастырылган җыентыклар белән бүләкләнделәр.

«Татар егете» бәйгесенең район этабында җиңү яулаган Фасахов Булат “Татарстан –Яңа Гасыр” телерадиокомпаниясенең “Манзара” тапшыруында катнашты. 1нче сыйныфтан район, шәһәр, республика, россиякүләм шигырь бәйгеләрендә зур җиңүләр яулаган Булат, соңгы елларда гармунда, курайда уйнау һәм җырлау сәләтләрен үстерде.
Булат һәр татар егете үзенең туган телен, халкының тарихын, мәдәниятен, әдәбиятын белергә тиеш дип саный. Ул интервью барышында шушы фикерләре белән уртаклашты. 

Мәктәп укучылары арасында оештырылган “Сәяр” шәһәркүләм театр фестиваленең 10 нчы март көнне район этабы узды. Гимназиянең “Умырзая” театр студиясе коллективы бу фестивальдә беренче урынга лаек булды. “Умырзая” театр студиясенә киләчәк иҗатларында уңышлар телибез.

10 нчы мартта “Юлда йөрү кагыйдәләрен иң яхшы белүче” бәйгесенең мәктәп этабы узды. Бәйгедә 6 нчы сыйныф укучылары катнашты. Алар юлда йөрү кагыйдәләре буенча 20 сорауга җавап бирделәр. Өч җиңүче бу бәйгенең район этабында катнашачак.

5 нче март көнне Мәгариф хезмәткәрләре йортында шәһәркүләм “Татар егете” һәм “Татар кызы” бәйгеләренең интеллектуаль туры үзды. Бу турда әдәбият галиме Фоат Галимуллин “Бөек Ватан сугышы чорында татар әдәбияты” темасына түгәрәк өстәл янында сөйләшү үткәрде. Гимназиябез укучысы Фасахов Булат бу турда 1 нче урынга лаек булды.

Бүген гимназиядә Халыкара хатын-кызлар көне уңаеннан зур бәйрәм концерты булды. Укучылар җыр, бию, сәхнәләштерелгән күренешләр аша укытучыларны бәйрәм белән котладылар. Укучылар чыгышы укытучылар күңеленә хуш килде.