28нче ноябрь көнне Вахитов районы М.А. Балакирев исемендәге Балалар сәнгать мәктәбенең 1нче санлы татар гимназиясе нигезендә оешкан “Карлыгач” фольклор ансамбеле 3нче дәрәҗәдәге лауреат дипломы белән бүләкләнде. Ирешкән уңышларыгыз белән ихластан тәбрик итәбез һәм киләчәктә яңадан-яңа иҗади үрләр яулавыгызны теләп калабыз !

28нче ноябрь көнне гимназиядә Әниләр көненә багышланган бәйрәм концерты булып узды.

Җир йөзенә килгән һәр кеше үзеннән соң якты эз калдырырга омтылып яшәсә, тормышыбыз күпкә матуррак һәм камилрәк булыр иде. Мондый изге максатны яшәү мәгънәсе итеп кабул иткәннәргә бүгенге кунакларыбыз — Хезмәт каһарманнарының тормыш юллары үрнәк.

Мәгълүм булганча, бездә, башка илләрдән аермалы буларак, чүп-чарны аерып ташлау гадәте күзәтелми. Югыйсә, бу алым икенчел чимал ясау өчен бик файдалы булыр иде. 24 ноябрь көне гимназиябездә нәкъ менә макулатура тапшыру көне буларак истә калды.

Укучыларыбыз бөтенроссия һәм республика олимпиадаларының муниципаль турында катнаша. 8 нче сыйныф укучысы Зиатдинова Зарина рус әдәбиятыннан олимпиадада катнашып призер булды. Заринаны һәм аны олимпиадага әзерләгән укытучы Ольга Владимировна Пережогинаны зур җиңүләре белән котлыйбыз.

Сегодня, 20 ноября 2015г., учащиеся 7 А класса нашей гимназии приняли участие в качестве зрителей в акции, посвященной Всемирному дню памяти жертв дорожно-транспортных происшествий, которая проходила в спортивном комплексе «Баскет-Холл».

Гимназиябездә атна башыннан алып мини-футбол уеннары уза. Мини- футбол – чирәмдә уйнала торган гадәти футболга бик охшаш булган спорт төре. Гадәттә, мини-футбол матчы ике таймнан гыйбарәт булып, уен 20шәр минут дәвам итә.

Бөтенроссия һәм республика олимпиадаларының муниципаль туры бара. 11 нче ноябрьдән башлап укучылар рус теле, рус әдәбияты, Татарстан һәм татар халкы тарихы буенча олимпиадаларда катнаштылар. Хәзерге вакытта биология, георафия, математика, тарих, җәмгыять белеме, инглиз теле, татар теле, татар әдәбиятыннан олимпиадаларның муниципаль турына әзерлек үткәрелә. Укучыларга уңышлар телибез.

Октябрь аенда “ Талантлы син, кеше туганым!” исемле әдәби кунакханәбезнең кадерле кунагы булып, гимназиябезгә яшь шагыйрь Рифат Сәлах килде. Яшь шагыйрь булуына да карамастан, аның инде берничә шигъри җыентыгы дөнья күрергә өлгергән. Алар арасында “ Күңел бөртекләре”, “ Ташта үскән гөлләр” , “ Яшел ай” , “ Кызыл юл” җыентыклары аеруча игътибарга лаек. Кичә дәвамында шагыйрьнең тормыш юлы , иҗаты белән кызыксындык, шагыйрьнең үз авызыннан шигырьләр тыңладык, чит илләргә сәяхәте, баянда уйнау сәләте, юрист – шагыйрь булу серләре һәм шагыйрьнең башка кызыксыну даирәләре белән таныштык , бер-бер артлы сораулар яудырдык.

30 нчы октябрьдә “Сәләт” клубы активистлары гимназиядә кунакта булды.
Әлеге очрашу «Сәләт» марафоны проекты кысаларында, укучыларга "Сәләт" оешмасының эшчәнлеге турында тулырак мәгълумат бирү максаты белән оештырылды. Очрашу бик кызыклы һәм мавыктыргыч узды.