29 сентябрьдә Өлкәннәр көненә карата корбан ашы үткәрелде. Шулай ук сыныфларда бу көнгә карата сыйныф сәгатьләре дә үтте 

Бүген мәктәбебездә спорт бәйрәме оештырылды. Әти-әниләр белән берлектә ГТО нормалары тапшырылды. Әтиләребез дә, әниләребез дә бик җитез булып чыктылар. Балаларыннан калышмаска тырышып барлык нормаларны да төгәл үтәделәр. Бәйрәмне эстафета белән дәвам итттек. Монда "Футбол" командасы һәм "Дуслык" командасы көч сынашты. Ике командадагы әти-әниләр дә, балалар да бик тырыш булдылар. Барлык уеннардан да "Футбол" командасы өстенрәк булды. Бәйрәмдә катнашкан әти-әниләргә администрация исеменнән чын кңелдән рәхмәт белдерәбез 

ГТО нормаларын тапшыру алдыннан укучыларга медицина күзәтүе оештырылды. Укучыларыбызны Дөбьяз участок больницасы врачлары карады.

Бүген мәктәптә психолог Әлфия Рафкатовна балалар белән тест үткәрде.

Бүген мәктәбебезнең барлык сыйныфларында да  укучыларның хокуклары һәм бурычлары дигән исем астында сыйныф сәгатьләре булып узды. Укучылар презентация  ярдәмендә бу темага карата белгәннәрен искә төшерделәр, белемнәрен ныгыттылар.

Бүген мәктәптә ата-аналар җыелышы булып узды. Ата-аналарга ГТО, психологик тестлар, олимпиада буенча аңлату эшләре алып барылды.

8 сентябрьдә барлык мәктәп укучылары Казан шәһәренең истәлекле урыннарына сәяхәт кылдылар. Экскурсовод бик кызыклы итеп тарихи материаллар белән таныштырды. "Көзге мәрхәмәтле эшләр" акциясе  кысаларында иганәчебез Суыксу авыл җирлегеннән депутатлыкка кандидат -  Назипов Ленар-бушлай зур автобус, экскурсовод тәкъдим итте,  . Мондый мөмкинлек биргән өчен аңа зур рәхмәтебезне белдерәбез.

7 сентябрь көнне  "Бергә эшләрбез" - дигән исем астында сыйныф сәгатьләре узды. Түгәрәк өстәл артындагы сөйләшүдә Суыксу авылы җирлеге башлыгы Низамиев Рамил Сәлим улы катнашты.

Мәктәптә бүген 8-11 сыйныф укучылары катнашында финанс грамотлылыгы буенча  түгәрәк өстәл артында сөйләшүләр булды. Суыксу җирлегегең бухгалтеры Закирова Л. Ф. "Электрон акчалар"  турында  мәгълүматлар бирде.