22 март көнне Суыксу мәдәният йорты белән берлектә Нәүрүз бәйрәме үткәрелде.  Нәүрүз ул - борынгы әби-бабаларыбыз үткәргән язны каршылау бәйрәме. Ул "яңа көн" дигәнне аңлата.Көн белән төн тоташып, тигезләшкән көнне кешеләргә бәхет теләү күркәм гадәт ул. Әлбәттә балалар белән бергә авылыбыз халкы яңа көнгә яңа өметләр белән, бер-берсенә изге теләкләр теләргә дип бу бәйрәмгә килделәр.

Бүген 9 нчы сыйныф укучылары белән профессиналь ориентация буенча тест үткәрелде. Тест 200 сораудан тора иде. Бу тестны Татарстан Республикасының мәгариф һәм фән министрлыгы белән беррәттән РЦМКО үткәрә. Тест республикада эшче профессияләрен популярлаштыру һәм укучыларның кайсы профессиягә тартылуларын, аларның кызыксынуларын ачыклау максатыннан үткәрелә.

16 марттан мәктәбебездә рус теле һәм инглиз теле атналыгы башланып китте. Атналыкта актив катнашырга чакырабыз.

Хөрмәтле кызлар, кызчыклар, апалар, Әниләр, сеңелләр!!!
Барыгызны да чын күңлдән 8 Март бәйрәме белән тәбрик итәм. Гомерегез сөенечтә, бәхеттә , мәхәббәттә үтсен. Уткэн һәрбер көнегез күңел дәфтәрегездә якты мизгелләр булып саклансын. 
Иң матур, иң чибәр, иң сөйкемле булыгыз. Бәхетле булыгыз!

     6 март көнне Суыксу авылы мәдәният йортында тыл ветераннарына медаль тапшыру тантанасы булды. Бу тантанада безнең мәктәп укучылары да катнашты. Ветераннар хөрмәтенә алар матур концерт номерлары күрсәттеләр.

Физкультура дәресләрендә укучыларыбыз чаңгы буенча ГТО нормаларын тапшырырга әзерләнә.

Традиция буенча быел да мәктәбебездә Аҗаган уеннары булып узды. Ике команда: "Кызыллар", һәм "Яшелләр" командалары ярышты. 1 балл өстенлек белән "Яшелләр" командасы җиңүгә иреште.

Мәктәбебездә "Солдатка хат " акциясе үткәрелде. Бу акция кысаларында һәр укучы Бөек Ватан сугышында катнашкан билгесез солдатка хат язды. Бу хатларында балалар аларга эчкерсез рәхмәтләрен һәм соклануларын җиткерделәр.