Оборона -масса айлыгы кысаларында бүген укучыларыбыз Муса Җәлилнең тууына 110 еллыгын билгеләп үттеләр. Аның иҗаты буенча интеллектуаль уен оештырылды. Укучыларыбыз Җәлилнең  әсәрләрен сәхнәләштерделәр. Каһарман шагыйрь - Муса Җәлилнең иҗаты беркайчан да онытылмый, ә киресенчә аның белән кызыксыну елдан ел арта бара.

Барлык укучыларның әтиләре, абыйлары килеп классларның идәннәрен алыштырдылар.  Аларга ярдәмгә 9-11 класс егетләре  да килде.  Ир укытучыларыбыз компьютер классын рәтләделәр. Барысы да бик тырышып эшләделәр. Яңа линолеумнар җәйгәч классларыбыз тагын да ямьләнеп китте. Вакытларын  табып мәктәбебезгә ярдәм итәргә килгәннәре өчен барысына да бик зур рәхмәт. 

Мәктәбебездә бүген укучыларыбыз чаңгы буенча ГТО нормаларын тапшырдылар. Укучыларыбыз нормативларны яхшы үтәделәр. Молодцы, укучылар!

Мәктәптә бүген әлифба бәйрәме булды. 1 сыйныф укучылары әниләренә, укучыларга  үзләренең белемнәрен күрсәттеләр.  Кунакка "Дуслык" балалар бакчасы балалары да килделәр. Бәйрәмдә балаларны котлап матур бүләкләр тапшырдылар. Соңыннан укучылар әниләре алып килгән тәм-томнар белән сыйландылар.

Укучыларыбыз Дөбьяз урта мәктәбенә пневматик мылтыктан ату буенча ярышта катнаштылар. 7 сыйныф укучысы Кадыров Илсаф 3 урынны алды. Мәктәп командасы гомуми баллар буенча  4 урынга лаек булды. Укучыларыбызны чын күңелдән котлыйбыз. Молодцы!

Бүген  мәктәптә "Граждан. Җәмгыять. Дәүләт" - дигән  тема астында 8-11 сыйныфларда  парламент  дәресе үтте. Дәрестә Суыксу авылы җирлеге башлыгы, авыл советы депутаты - Низамиев Р. С. катнашты. Ул укучыларны үзидарә эшчәнлеге белән таныштырды.

Бу көннәрдә мәктәптә ГТО га хәзерлек бара. Укучылар  көн дә  чаңгыга чыгалар. 

Бүген химия атналыгының чираттагы каралган чарасы - фәнни-тикшеренү эшләре  буенча укучылар чыгышы булды. 10 нчы сыйныф укучысы Шигабиева Зөһрә  Суыксу авыл чишмәсе буенча үткәргән эзләнү эше белән таныштырды.

Бүген мәктәбебезгә Әтнә техникумыннан вәкил килде. Ул  9,10 сыйныф укучыларын техникум белән таныштырып китте. Техникумдагы юнәлешләр буенча аңлатма бирде. Аларны экзаменнарын уңышлы тапшырып,  укуларын техникумда дәвам итәргә чакырды.

Бүген Айбаш мәдәният йортында гаилә бәйрәме булып узды.  Бәйрәмдә 5 авыл җирлегеннән 6 гаилә катнашты.Бәйрәмдә безнең мәктәптән Гариповлар гаиләсе катнашты. Алар "Иҗади гаилә" номинациясе буенча 2 урынга лаек булдылар. Үзләренең чыгышлары белән гаиләләренең дус-тату икәнлекләрен күрсәттеләр,  җырга -моңга осталыкларын расладылар. Дөрестән дә, Гариповлар гаиләсе бар яктан да  үрнәк гаилә. Без аларга бәйрәмдә катнашканнары  өчен бик зур рәхмәтебезне белдерәбез. Аларга исәнлек-саулык, эшләрендә зур уңышлар, уллары Адилгә экзаменнарын уңышлы тапшырып   үзе теләгән уку  йортына керүен, олы уллары Раилнең исән -сау хезмәт итеп кайтуын теләп калабыз.