16 май көнне Айбаш урта мәктәбендә Бөек Җиңүнең 70 еллыгына багышланган татарча көрәш буенча район турниры оештырылды. Укучыларыбызның уңышлары куандырырлык.

5 класс - Низамиев Ришат - 1 урын

6 класс Ахметханов Әнис - 2 урын

8 класс - Низамиев Булат- 2 урын

9 класс - Камалиев Гомәр- 1 урын

Көрәшчеләребезне чын күңелдән котлыйбыз. Молодцы!

1.    с 15 по 25 мая 2015 года «Единой декады ГТО» среди обучающихся общеобразовательных организаций (возраст обучающихся -11-15 лет).

Уважаемые друзья, поддержим Республиканскую акцию "Помоги своей школе!". 

Кто помнит и ценит прошлое, у того есть будущее!

Бүген мәктәптә бердәм экологик көнгә багышланган чаралар булып узды. Укучылар өчен табигатьне саклауга карата сыйныф сәгатьләре үтте, башлангыч сыйныф укучылары болынга  экскурсиягә чыктылар, экологик көнгә карата рәсем конкурсы оештырылды. 

Бөек Җиңүнең 70 еллыгына карата бәйрәм оештырылды. Һәйкәл янында Бөек Ватан сугышында һәлак булган авылдашларыбызны искә алдык, сугыш һәм тыл ветераннарын бәйрәм белән котладык. Укучылар тарафыннан эчтәлекле чара карадык. Күңелгә үтеп керерлек шигырьләр, җырлар яңгырады. Соңыннан бәйрәмгә килгән кунакларны чәй өстәле янына чакырып кунак иттек.

Укучыларыбыз  мәктәп бакчасын казыдылар. Яхшылап тырмалап чөгендер, кишер, суган утырттылар. Барсы да  тырышып эшләделәр

Мәктәбебездә бүген тыл ветераннары белән очрашу оештырылды. Тыл ветераннары үзләренең сугыш чорына туры килгән балачаклары турында сөйләделәр. Алар сөйләгәндә хәтта күзләргә яшьләр килде. Күпме авырлыклар күрсәләр дә һәр туган көнгә куанып, киләчәккә өмет белән карап яши бирәләр. Һәрберсенең дә теләкләре бер: "Бүтән сугышлар булмасын!" .  

"Изге эшләр атнасын" йомгаклап укучылар арасында "Җиңү хаты" акциясе оештырылды. Укучыларыбыз Бөек Ватан сугышында катнашкан әби-бабаларына рәхмәт хатлары яздылар. Хатлар арасында бик бай эчтәлекле булганнары шактый булды. Үз гомерләрен аямыйча безгә якты тормыш бүләк иткән сугыш һәм тыл ветераннарына без чиксез рәхмәтле.

Бүген өлкән сыйныф укучылары мәктәп ишегалдын чистарттылар. Ишегалдыбыз чистарып, матурланып калды.

"Яхшы гамәлләр атнасы"ның  бүгенге көн максаты- гаилә кыйммәтләрен, гаиләдәге тату мөнәсәбәтләрне  пропагандалау. Шул максаттан  бездә дә акция булып узды. Укучыларыбыз гаиләләре белән төшкән фотосүрәтләрне якладылар. Һәрбер гаилә традицияләргә бай. Һәр укучы гаиләсен бик ярата. Гаиләдәге татулыкның югалмавын телиләр.