23 һәм 24 декабрь көнне Теләченең 2 нче  балалар бакчасында балалар өчен яңа ел иртәләре үткәрелде. Бәйрәмнәргә әзерлек  алдан ук башланды: тәрбиячеләр балалар белән шигырьләр кабатладылар, Яңа ел белән бәйле гореф-гадәтләр темасына әңгәмәләр үткәрделәр, музыка җитәкчесе җырлар һәм биюләр өйрәнде. Төркемнәр һәм музыка залын бизәү буенча да күп эш башкарылды: зал үзәгендә матур итеп чыршы бизәлде, тәрәзәләргә төрле төстәге утлар куелды. Балалар тамашага матур итеп киенеп килделәр, кәефләре дә бәйрәмчә күтәренке иде. Яңа ел тамашасында катнашкан тәрбиячеләр үзләрен иҗади осталыкларын һәм оештыру сәләтен күрсәттеләр: алар башкаруындагы төрле әкият геройлары барлык балаланың күңеленә хуш килде,  аларны тылсымлы әкият дөньясына җәлеп итте. Бәйрәм барышында балалар Кыш бабай белән Кар кызына шигырләрен сөйләделәр һәм бәйрәм азагында алар белән бергә фотога төштеләр.

  28нче ноябрь көнне Теләченең 2 нче балалар бакчасының зурлар һәм мәктәпкә әзерлек төркеме балаларына әти-әниләре белән берлектә Татар дәүләт «Әкият» курчак театрына сәяхәт оештырылды

  Ел саен районда уздырыла торган “Җәлил укулары” әдәби бәйгесеннән быел да безнең Теләче 2нче балалар бакчасы читтә калмады.Бакчабызның барлык төркем балалары белән Муса Җәлил шигырьләре, шулай ук фронтовик шагыйрьләрнең балалар өчен язылган шигырьләрен өйрәндек.Бәйгедә балалар бик теләп катнаштылар, шигырьләрне үзенчәлекле итеп сәхнәләштерделәр. Муса Җәлил шигырьләре аша балаларда туган якка мәхәббәт, батырлык хисләре уянды.

  Бу атнада бу бәйгенең нәтиҗәләре билгеле булды һәм җиңүчеләр арасында безнең балалар бакчасына йөрүче балалар да бар: алар “ Муса Җәлил татар телендә” һәм “Муса Җәлил рус телендә” номинацияләрендә катнашып, төрле дәрәҗәдәге урыннар яуладылар. Барлык балаларны да бу җиңүләре белән котлыйбыз!

17нче ноябрь көнне, Теләче 2нче балалар бакчасының  кечкенәләр, уртанчылар һәм зурлар төркеменә йөрүче балалар янына кунакка “Юл хәрәкәте иминлеге” дәүләт бюджет оешмасының Саба бүлеге җитәкчесе Ягафарова Г.Н. килде. Балалар тәрбиячеләре  Йосыпова Г.Ф., Закирова А.Х. һәм Зиннәтова И. Н. белән берлектә кызыклы шөгыльләр күрсәттеләр. Педагоглар уен формасында балаларның юл йөрү кагыйдәләре турында күзаллауларын ныгыттылар, урамда үз-үзеңне тоту кагыйдәләрен искә төшерделәр, юлларда игътибарлы булырга өйрәттеләр. Чара ахырында килгән кунаклар балалар белән юл куркынычсызлыгы буенча профилактик әңгәмә үткәрде һәм аларга бүләкләр тапшырды.

Теләче 2 нче балалар бакчасында 12нче ноябрь көнне пожар куркынычсызлыгы буенча тикшерү узды. Тикшерүне Татарстан Республикасы буенча Россия ГТХМ Баш идарәсенең Саба һәм Теләче МР надзор эшләр һәм профилактик эшләр районара бүлегенең өлкән инспекторры Тимерханов Л.М. үткәрде. Ул балалар бакчасы территориясе, кабинетлар һәм төркем бүлмәләре янгын куркынычсызлыгының мәҗбүри таләпләренә туры килүен, үтәлешен карады. Балалар белән әңгәмә һәм бакча хезмәткәрләре белән инструктаж үткәрде.