31нче март көнне “Батыр” спорткомплексында “Тел-күңел көзгесе, сәламәтлек-яшәү билгесе” спорт бәйгесе узды. Бәйгедә Теләченең өч балалар бакчасыннан мәктәпкә әзерлек төркеме балалары һәм аларның әти-әниләре көч сынашты. Безнең Теләче 2нче балалар бакчасы да үзенең көндәшләренә сынатмады. Бакча данын яклап килгән балалар, әти-әниләр бик теләп барлык уеннарда катнаштылар. Нәтиҗәдә дуслык җиңде.  

24нче март көне Теләче 2нче балалар бакчасының мәктәпкә әзерлек төркеменә йөрүче балалар, Казаклар авылы мәдәният йортында узган, район “Нәни энҗеләр” бәйгесенең сайлап алу этабында катнаштылыр. Бәйге барышында балалар  туган телләрендә үзләре белән таныштырдылар һәм җырга, биюгә, нәфис сүзгә булган осталыкларын күрсәттеләр. Безнең балалар бакчасында тәрбияләнүче сигез бала үзләрен уңай яттан гына күрсәтеп, уңышлы чыгыш ясадылар.

Балалар һәм өлкәннәрнең куркынычсызлыгы-безнең җәмгыятьнең төп бурычларыннан берсе, ә балалар бакчасы - бөтен бер организм, анда җитәкчедән башлап, техник хезмәткәрләр дә, барысы да үз тормышларын, сәламәтлекләрен саклап  һәм иң мөхиме  балалар иминлеге өчен җаваплы булырга тиеш. Буген, 23нче март көнне, Теләче 2нче балалар бакчасы хезмәткәрләре өчен Zoom платформаса аша янгын, ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең баш белгече, эчке хезмәт майоры Тимерханов Л.М. катнашында, янгын куркынычсызлыгы буенча онлайн чара оештырылды. Чараның төп максаты балалар бакчасы хезмәткәрләрен янгын куркынычсызлыгы буенча нинди таләпләр белән таныштыру һәм гадәттән тыш хәлләрдә вакытында нәрсә эшләргә кирәклеге турында искәртү иде.

Милли уенчыклар кече яшьтәге балаларның күңелен уята, анда үз халкының мәдәниятенә карата матурлык һәм кызыксынучанлык хисе тәрбияли торган предметлар булып тора. Теләченең 2нче балалар бакчасында тәрбияләнүчеләр зур төркемнәрдә рус халкының декоратив-гамәли сәнгате һәм хохлома, дымково, каргополь һәм филимоново уенчыклары белән таныша башлыйлар. Бу атнада тәрбияче Ярмиева З.М. балаларга дымково уенчыгының барлыкка килү тарихы, аның үзенчәлекләре, ничек һәм нәрсәдән эшләүләре турында сөйләде.